३ जेष्ठ २०८२, शुक्रबार । May 16, 2025

आइपिएल २०२५ः गुजरातको प्रभावशाली जित



एजेन्सी । जारी इण्डियन प्रिमियर लिग (आईपीएल) २०२५ अन्तर्गत सोमबार भएको खेलमा गुजरात टाइटन्सले सनराइजर्स हैदराबादलाई ७ विकेटले पराजित गर्दै प्रतियोगिताको तेस्रो जित हात पारेको छ।

यो जितसँगै गुजरात ६ अंकसहित अंक तालिकाको दोस्रो स्थानमा उक्लिएको छ। राजीव गान्धी इन्टरनेशनल स्टेडियममा टस जितेर पहिले बलिङ रोजेको गुजरातले हैदराबादलाई २० ओभरमा ८ विकेटमा १५२ रनमै रोक्न सफल भयो। त्यसपछि १५३ रनको लक्ष्य पछ्याएको गुजरातले १६.४ ओभरमा मात्र ३ विकेट गुमाएर लक्ष्य सजिलै पूरा गर्‍यो। सुरुवातमा गुजरातको ब्याटिङ कमजोर देखिएको थियो। १६ रनमै ओपनर साई सुदर्शन (५ रन) र जोस बट्लर (० रन) आउट हुँदा टोली दवाबमा परेको थियो।

तर त्यसपछि कप्तान शुभमन गिल र वासिङ्टन सुन्दरले संयमित ब्याटिङ गर्दै तेस्रो विकेटका लागि ९० रनको महत्वपूर्ण साझेदारी गरे। वासिङ्टनले २९ बलमा ५ चौका र २ छक्का सहित ४९ रन बनाएर मोहम्मद सामीको बलमा आउट भए। शुभमन गिलले भने ३६ बलमा ७ चौकासहित अर्धशतक प्रहार गरे र अन्तिमसम्म अविजित रहँदै ६१ रन बनाए।

सेरफान रुथफोर्डले पनि आक्रामक रूपमा ३५ रनको नटआउट पारी खेले। पहिले ब्याटिङ गरेको हैदराबादले सुरुवातमै दुई ओपनर ट्राभिस हेड (८ रन) र अभिषेक शर्मा (१८ रन) सस्तोमा गुमायो। तेस्रो विकेटका रूपमा इशान किशन पनि १७ रनमा आउट भएपछि टोली दबाबमा आयो। यसपछि हेनरिक क्लासेन (२७) र नितिश रेड्डी (३१) ले केही हदसम्म सम्हाल्ने प्रयास गरे पनि लगातार विकेट पतनको कारण टोलीले १५२ रनमै सिमित रहनुपर्‍यो।

कप्तान प्याट क्युमिन्सले भने अन्त्यतिर ९ बलमा २२ रन जोडेर टोलीलाई सम्मानजनक स्कोरमा पुर्‍याए।गुजरातका लागि मोहम्मद शिराज सर्वश्रेष्ठ बलर साबित भए। उनले ४ ओभरमा मात्र १७ रन खर्चिएर ४ विकेट झारे। प्रसिद्ध कृष्ण र साई किशोरले समान २–२ विकेट लिए।

यो जितसँगै गुजरात टाइटन्सले चार खेलमा तेस्रो जित निकाल्दै ६ अंक जोडेको छ। लगातार चार हार बेहोरेको सनराइजर्स हैदराबाद भने पाँच खेलमा मात्र २ अंकसहित अंक तालिकाको पुछारमा छ, र उसको प्लेअफ यात्रा जटिल बनेको छ।

प्रकाशित मिति : २४ चैत्र २०८१, सोमबार  ६ : ४२ बजे

यो खबर पढेर तपाईलाई कस्तो महसुस भयो ?

महीला टी-२० विश्वकप छनोटः नेपाली महिला टिम सुपर-३ मा

काठमाडौं । थाइल्यान्डमा जारी आइसिसी महिला टी–२० विश्वकप एसिया छनोट

खुर्पा प्रहार गरि बुबाद्वारा छोरी र भतिजाको हत्या

चितवन । चितवनको भरतपुर महानगरपालिका–२५ स्थित शुक्रनगरमा एक दर्दनाक पारिवारिक

ह्वात्तै बढ्यो सुनको भाउ, कति पुग्यो तोलामा ?

काठमाडौं । आज नेपाली बजारमा सुनको मूल्यले नयाँ उचाइ छोएको

सगरमाथा संवाद प्रारम्भ: जलवायु परिवर्तन, हिमाल र मानवको भविष्यबारे अन्तर्राष्ट्रिय बहस

काठमाडौं । काठमाडौंमा आजदेखि ‘जलवायु परिवर्तन, हिमाल र मानवताको भविष्य’

‘के घर के डेराः घर नम्बर २’ आजदेखि देशव्यापी प्रदर्शनमा

काठमाडौं । निर्देशक दिपेन्द्र के. खनालको बहुप्रतीक्षित सामाजिक चलचित्र ‘के