काठमाडौं । रास्वपा सभापति रवि लामिछानेलाई थुनामा पठाउने आदेश उच्च अदालत तुलसीपुरको बुटवल इजलासले जारी गरेको छ।
सुप्रिम सहकारी घोटाला प्रकरणमा संलग्नताकाे आरोपमा लामिछानेलाई पक्राउ गरी थुनामा राख्न आदेश दिइएको हो। न्यायाधीश रमेश ढकाल र स्वीकृति पराजुलीको संयुक्त इजलासले जिल्ला अदालतको अघिल्लो आदेशलाई उल्टाउँदै शुक्रबार यस्तो निर्णय सुनाएको हो। जिल्ला अदालतले लामिछानेलाई पुर्पक्षका लागि थुनामा नपठाउने निर्णय गरेको थियो।
सुप्रिम सहकारीमा भएको ठगी तथा संगठित अपराधसम्बन्धी मुद्दामा उच्च अदालतमा बिहीबारदेखि सुनुवाइ सुरु भएको थियो। शुक्रबार भएको फैसलामा अदालतले अभियुक्त रवि लामिछानेलाई अनुसन्धान तथा न्यायिक प्रक्रियालाई सहज बनाउन थुनामा राख्नुपर्ने ठहर गरेको हो।
यो आदेशसँगै लामिछानेलाई हिरासतमा राखी थप अनुसन्धान अघि बढाइनेछ।
प्रतिक्रिया