काठमाडौं । दक्षिण कोरियाका राष्ट्रपति युन सुक योललाई संवैधानिक अदालतले महाभियोग सदर गर्दै पदमुक्त गरेको छ। सैनिक ‘कू’ गर्ने घोषणाका कारण उनलाई महाभियोग लगाइएको थियो, र शुक्रबार अदालतको निर्णयपछि उनी पदबाट हटािएका छन्।
अन्तर्राष्ट्रिय समाचार एजेन्सीका अनुसार, संवैधानिक अदालतका आठ सदस्यहरूले एकमत रायमा योलमाथिको महाभियोग सदर गर्दै पदमुक्त गर्ने निर्णय दिएका थिए। यस निर्णयसँगै, दक्षिण कोरियामा आगामी ६० दिन भित्र नयाँ राष्ट्रपति चयन गर्नको लागि आम निर्वाचन गर्नुपर्नेछ।
राष्ट्रपति योलले गत डिसेम्बरमा सैनिक कानुन घोषणा गरेका थिए, जुन संसदले चाँडै उल्ट्याइदिएको थियो। त्यसपछि, योलको कदम लोकतन्त्रविरोधी भएको भन्दै संसदले महाभियोग अघि बढाएको थियो।
दक्षिण कोरियामा संसदबाट लगाएको महाभियोगमा अन्तिम फैसला संवैधानिक अदालतले नै गर्छ। योलको महाभियोग सदर भएपछि, कार्यवाहक राष्ट्रपति हान डक सूको जिम्मेवारी पुनः बहाल भएको छ। अब उनले ६० दिनभित्र देशभर निर्वाचनको प्रक्रिया अघि बढाउनेछन्।
प्रतिक्रिया