काठमाडौं । तीनकुने प्रदर्शन स्थलबाट फरार भएका दुर्गा प्रसाईं सवार गाडी इटहरीमा फेला परेको छ।
बिएबी–४२०८ नम्बरको स्कोर्पियो गाडी इटहरीमा भेटिएपछि उपत्यका प्रहरी कार्यालयले काठमाडौँ ल्याएको उपत्यका प्रहरी प्रमुख एआईजी टेकबहादुर तामाङले जानकारी दिए। उपत्यका अपराध अनुसन्धान कार्यालयबाट परिचालित टोलीले गाडीका धनी मुकुन्द दाहाललाई पक्राउ गरेको छ। उनी कागेश्वरी मनोहरा नगरपालिकास्थित काँडाघारीका बासिन्दा हुन्।
प्रहरीले हाल उनीमाथि अनुसन्धान गरिरहेको छ। तीनकुनेबाट प्रसाईं सवार उक्त गाडी ईश्वर विकले चलाएका थिए। चालक विकले प्रसाईंलाई झापास्थित बिएण्डसी अस्पतालमा पुर्याएको बयान प्रहरीसमक्ष दिएका छन्।
घटनाबारे थप अनुसन्धान भइरहेको प्रहरी स्रोतले जनाएको छ।
प्रतिक्रिया