काठमाडौं । नेपाल सुपर लिग (एनएसएल) फुटबल प्रतियोगिताअन्तर्गत बिहीबार सम्पन्न खेलमा काठमाडौं रेजर्स र झापा एफसीले गोलरहित बराबरी खेलेका छन्।
त्रिपुरेश्वरस्थित दशरथ रंगशालामा भएको खेलमा दुवै टोलीले उत्कृष्ट प्रदर्शन गरे पनि कुनै गोल हुन सकेन। यो दुवै टोलीको प्रतियोगितामा दोस्रो बराबरी हो। यससँगै काठमाडौं र झापाले समान दुई खेलबाट दुई अङ्क जोडेका छन्। काठमाडौंले पहिलो खेलमा ललितपुर सिटी एफसीसँग २–२ को बराबरी खेलेको थियो भने झापा बुटवल लुम्बिनी एफसीसँग गोलरहित बराबरीमा रोकिएको थियो।
प्रतियोगिताअन्तर्गत शुक्रबार एफसी चितवन र बुटवल लुम्बिनीबीच प्रतिस्पर्धा हुनेछ।
प्रतिक्रिया