काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईं आज कार्यालयमा उपस्थित भएका छन्।
महानगरका मेयर बालेन साहले उनलाई रोक्न नगर प्रहरी खटाएपनि कर्मचारीहरूले गुरागाईंलाई गेटमै रोक्न नदिई कार्यालय प्रवेश गराएका हुन्। यसअघि, आधिकारिक नक्सा पास प्रणाली भन्दा बाहिर गइ नक्सापास स्वीकृति दिएको कारणले महानगरले पुस ७ गते गुरागाईंलाई जिम्मेवारीबाट हटाएको थियो।
त्यसपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि महानगर प्रमुख प्रशासकीय अधिकृतविहीन भएको थियो। तलबसमेत नपाएको भन्दै कर्मचारीहरू आक्रोशित भएका थिए, र जनप्रतिनिधिहरूसँग मिलेर गुरागाईंलाई कार्यकक्षमा प्रवेश गराएका छन्।
प्रतिक्रिया