काठमाडौं। काठमाडौंको टोखा नगरपालिका–१० मा ट्रकमा लुकाइएको २५ करोड रुपैयाँ बराबरको डलर र युरोको मालिकको पहिचान गरिएको छ।
प्रहरी अनुसन्धान र विज्ञहरूद्वारा प्राप्त जानकारी अनुसार, उक्त रकम सिन्धुपाल्चोकको भोटेकोशी गाउँपालिका–४ का नारायण पौडेलको रहेको पुष्टि भएको हो। चैत ४ गते, ना ७ ख १६५२ नम्बरको ट्रकमा रकम लुकाएर लैजाँदै गरेको अवस्थामा सिन्धुपाल्चोकका ४३ वर्षीय चालक कुसान लामालाई प्रहरीले पक्राउ गरेको थियो। चालक लामाले ट्रकको सिट पछाडि रकम लुकाएको अवस्थामा उनलाई नियन्त्रणमा लिइएको थियो।
प्रहरीका अनुसार, लामाको बैंक खाता र मोबाइल सीडीआर विश्लेषण गर्दा अस्वाभाविक कारोबार र पौडेलसँगको अन्तिम सम्पर्कको संकेत प्राप्त भएको थियो। अदालतबाट पौडेलको पक्राउको लागि पुर्जी जारी भइसकेको छ र अनुसन्धान तीव्र बनाइएको छ।
प्रहरीले पौडेलको घर, कारोबार स्थल, गोदाम र विभिन्न स्थानमा खानतलासी गर्दा थप प्रमाणहरू बरामद गरेका छन्। सीसीटीभी फुटेज र डिजिटल उपकरणहरूको जाँचसँगै, घटनामा संलग्न अन्य स्थानहरूको पनि समिक्षा गरिएको छ।
प्रतिक्रिया