काठमाडौं । सेयर बजार परिसूचक नेप्से २३.८६ अंकले वृद्धि हुँदै २,७०० अंकमा पुगेको छ।
अघिल्लो दिन बजारमा १६ अङ्कको गिरावट आएको थियो। बजारमा वृद्धि भए तापनि, कारोबार रकममा सामान्य घटबढ देखिएको छ। अघिल्लो दिन ५ अर्ब ७९ करोडको कारोबार भएकोमा, आज ५ अर्ब ४४ करोडको कारोबार भएको छ। कुल १६६ कम्पनीका सेयरको मूल्य बढ्दा ७८ कम्पनीको मूल्य घटेको छ। विभिन्न क्षेत्रका सूचकहरुमा वृद्धि देखिएको छ, जसमा व्यापार क्षेत्र ९.४४ प्रतिशत बढेको छ।
विशाल बजार कम्पनीको मूल्य १० प्रतिशत बढ्दा, यस क्षेत्रमा उच्च वृद्धि देखिएको हो। अन्य क्षेत्रहरुमा पनि सकारात्मक वृद्धि भएको छ। बैंकिङ ०.५१ प्रतिशत, विकास बैंक ०.३० प्रतिशत, फाइनान्स ३.१२ प्रतिशत, होटल तथा पर्यटन ०.५९ प्रतिशत, हाइड्रोपावर ०.४२ प्रतिशत, लगानी १.३७ प्रतिशत, जीवन बीमा ०.२५ प्रतिशत, माइक्रोफाइनान्स ०.१७ प्रतिशत, र अन्य ०.३५ प्रतिशत बढेका छन्।
यद्यपि उत्पादन र निर्जीवन बीमा समूहमा क्रमशः १.४७ र ०.२६ प्रतिशतको घटबढ आएको छ।
प्रतिक्रिया