काठमाडौं । देशभर माध्यमिक शिक्षा परीक्षा (एसईई) शान्तिपूर्ण रूपमा सम्पन्न भएको छ।
राष्ट्रिय परीक्षा बोर्ड, परीक्षा नियन्त्रण कार्यालय सानोठीमीका अनुसार चैत ७ गतेदेखि सञ्चालन भएको परीक्षा मंगलबार सकिएको हो। यस वर्ष एसईईमा ५ लाख १४ हजार ७१ परीक्षार्थी सहभागी भए। सबैभन्दा धेरै परीक्षार्थी काठमाडौंमा ३९,६०० र सबैभन्दा कम मनाङमा ४३ जना थिए।
जापानको परीक्षा केन्द्रबाट २९ विद्यार्थीले परीक्षा दिए भने केन्द्रीय कारागार, दैलेखका दुई कारागार, र भक्तपुरको बालसुधार गृहबाट पनि परीक्षार्थी सहभागी भए। बोर्डका अनुसार परीक्षा नतिजा आगामी असार ७ गतेभित्र सार्वजनिक गरिनेछ। यस वर्ष न्यूनतम ३५ अंकभन्दा कम ल्याउने परीक्षार्थी अनुत्तीर्ण हुनेछन्।
उत्तीर्ण दर ७० प्रतिशत पुर्याउने लक्ष्य राखिएको छ।
प्रतिक्रिया