काठमाडौं । अभिनेता विपीन कार्की स्टारर नयाँ चलचित्र ‘ऊनको स्वीटर’को टिजर सार्वजनिक गरिएको छ।
मंगलबार एक भव्य कार्यक्रममा चलचित्रको टिजर मिडियासम्म ल्याइएको हो। यस चलचित्रमा विपीन कार्की र मिरूना मगर प्रमुख भूमिकामा छन्, र यो टिजरले प्रेम, स्मृति, र सम्बन्धका उतारचढावलाई एक सन्देशपूर्ण र सौन्दर्यपूर्ण ढंगले प्रस्तुत गर्ने प्रयास गरेको छ। टिजरको एक दृश्यमा मिरूना द्वारा दिएको डायरीमा विपीनले आफ्ना गहिरा भावनाहरू लेखिरहेको देखाइएको छ।
‘ऊनको स्वीटर’ चलचित्र आर्टमान्डु प्रालिको निर्माणमा बनेको पहिलो फिचर फिल्म हो। यसका निर्देशक नवीन चौहान हुन्, जसले पटकथा पनि लेखेका छन्। चलचित्रको संगीत सुजन चापागाईंले तयार गरेका छन्, र सहलेखन सुरज कटुवालले गरेका छन्। चलचित्रमा विल्सनविक्रम राई, एलेक्स पारस र परीक्षा लिम्बू जस्ता अन्य प्रमुख कलाकारहरूको पनि अभिनय छ।
यसका साथै सुनिल पोखरेल, माओत्से गुरुङ, प्रेम सुब्बा, सुरज तमू, र भावना खपाङ्गी मगरजस्ता कलाकारहरूले पनि महत्वपूर्ण भूमिका निर्वाह गरेका छन्।
प्रतिक्रिया