काठमाडौं । तीनकुनेमा भएको प्रदर्शनका क्रममा ज्यान गुमाएका कीर्तिपुरका सविन महर्जनको पोस्टमार्टम रिपोर्ट सार्वजनिक भएको छ।
त्रिवि शिक्षण अस्पतालमा गरिएको पोस्टमार्टमले उनको शरीरमा एक गोली लागेको पुष्टि गरेको छ। प्रहरी स्रोतका अनुसार, महर्जनलाई लागेको गोली उनको दायाँ हातको कुहिनो नजिकबाट छिरेर कोख हुँदै ढाडबाट निस्किएको देखिएको छ। चैत १५ गते राजावादी समूहले आयोजना गरेको आन्दोलनका क्रममा गोली लागेर महर्जनको मृत्यु भएको थियो।
पोस्टमार्टम प्रक्रिया पूरा भएसँगै उनको पार्थिव शरीर आजै पशुपति आर्यघाटमा अन्त्येष्टि गर्न लागिएको छ।
प्रतिक्रिया