काठमाडौं । मुम्बई इन्डियन्सले आईपीएलको १८ औं सिजनमा पहिलो जित हात पारेको छ।
सोमबार वानखेडे रंगशालामा भएको खेलमा मुम्बईले कोलकाता नाइट राइडर्सलाई ८ विकेटको फराकिलो अन्तरले पराजित गर्यो। टस जितेर पहिले बलिङ गर्ने निर्णय गरेको मुम्बईले उत्कृष्ट सुरुवात गर्यो। डेब्यू बलर अश्विनी कुमारको घातक स्पेलका कारण केकेआर ११६ रनमै समेटियो। उनले ४ विकेट लिए भने दिपक चाहरले २ विकेट लिएर उनलाई राम्रो साथ दिए।
सामान्य लक्ष्य पछ्याउँदै मुम्बईले १३ औं ओभरमै खेल आफ्नो पक्षमा पार्यो। रायन रिकेल्टनले अविजित ५० रन बनाए भने विल ज्याकले ३० रनको योगदान दिए। कोलकाताका लागि अङ्क्रिश रघुवंशीले २६ रन जोडे। बलिङतर्फ आन्द्रे रसेलले २ विकेट लिए। खेलको निर्णायक क्षण मुम्बईका युवा बलर अश्विनी कुमार बने।
उनले पहिलो ओभरमै मुम्बईलाई सफलता दिलाउँदै अजिंक्य रहाणेलाई पेभिलियन फर्काए। त्यसपछि उनले रिंकु सिंह, मनिष पाण्डे र आन्द्रे रसेललाई पनि आउट गर्दै केकेआरको ब्याटिङ लाइनअपलाई तहसनहस पारे।
मुम्बई इन्डियन्सको बलिङ प्रदर्शन र ब्याटिङ स्थायित्वका कारण टिमले यस सिजनमा पहिलो जित दर्ता गर्न सफल भयो।
प्रतिक्रिया