नेपाल सुपर लिग २०२५ : एफसी चितवनको शानदार सुरुवात

काठमाडौं । एफसी चितवनले नेपाल सुपर लिग (एनएसएल) २०२५ मा शानदार सुरुवात गर्दै पोखरा थण्डर्सलाई २–० ले पराजित गरेको छ।

त्रिपुरेश्वरस्थित दशरथ रंगशालामा भएको खेलमा उज्बेकिस्तानी खेलाडी नोदिर माभलोनोभले खेलको १५औं मिनेटमै गोल गर्दै चितवनलाई अग्रता दिलाए। इन्जुरी टाइमको छैटौं मिनेटमा वैकल्पिक खेलाडी निरज चौधरीले अर्को गोल थप्दै चितवनको जित सुनिश्चित गरे। दुवै टोलीले खेलभरि गोल गर्ने केही अवसर पाए पनि ती सफल बनाउन सकेनन्। यस जितसँगै चितवनले लिगको पहिलो खेलमै ३ अंक जोड्दै उत्कृष्ट सुरुवात गरेको छ।

साथै, यसअघि लगातार दुई संस्करणमा हार बेहोरेको चितवनले अन्ततः पहिलो खेलमै जित निकाल्ने कीर्तिमान पनि बनाएको छ।