घिसिङको रिट सर्वोच्चले ‘हेर्न नमिल्ने’ भन्दै पन्छायो

काठमाडौं । नेपाल विद्युत् प्राधिकरणका कार्यकारी निर्देशक कुलमान घिसिङको बर्खास्तगीविरुद्धको रिट सर्वोच्च अदालतले ‘हेर्न नमिल्ने’ भन्दै पन्छाएको छ।

आज रिट सुनुवाइका लागि सर्वोच्च अदालतका प्रधानन्यायाधीश प्रकाशमान सिंह राउत र न्यायाधीश सारंगा सुवेदीको संयुक्त इजलासमा तोकिएको थियो। तर, विपक्षीका वकिल राधेश्याम अधिकारी प्रधानन्यायाधीश राउतका ल फर्मका पूर्वसाझेदार भएकाले रिट हेर्न नमिल्ने भन्दै निर्णय गर्यो ।

यसै बीच, विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्यको रिट पनि सोही इजलासमा परेको थियो। न्यायाधीश अब्दुल अजिज मुसलमानको इजलासले दुवै रिटका पक्ष र विपक्षलाई छलफलका लागि बोलाएको थियो, र लिखित जवाफ पनि मागेको छ ।