पूर्वराजा ज्ञानेन्द्रलाई पक्राउ गर्न खोजियोः नवराज सुवेदी

काठमाडौं । राजसंस्था पुनर्स्थापनाका लागि संयुक्त जनआन्दोलन समितिका संयोजक नवराज सुवेदीले पूर्वराजा ज्ञानेन्द्र शाहलाई पक्राउ वा नजरबन्द गर्न खोजिएको आरोप लगाएका छन् ।

शनिबार बिहान एक विज्ञप्ति जारी गर्दै ज्ञानेन्द्रलाई समेत बदनाम गराउने र घटनामा संलग्नता देखाउने उद्देश्यले नजरबन्द गर्ने वा पक्राउ गर्ने भन्ने तयारी भइरहेको समाचारहरू बाहिर आएको भन्दै विरोध गरेका छन् ।

विज्ञप्तिमा भनिएको छ ‘सभामा उपस्थित नागरिकहरूमाथि अश्रुग्यासलगायत गोली प्रहार गरेर नागरिकको हत्याका अतिरिक्त तोडफोड र आगजनी गराइ आतङ्क सिर्जना गर्ने घटनाको घोर भर्त्सना गर्दै सहादत प्राप्त गर्ने वीर योद्धा सहिद प्रति हार्दिक श्रद्धासुमन व्यक्त गर्दछौँ ।’