काठमाडौं । शुक्रबार भएको राजावादीहरुको हिंसात्मक आन्दोलनका कारण क्षति पुगेको तिनकुने–कोटेश्वर क्षेत्रमा गृहमन्त्री रमेश लेखकले अनुगमन गर्ने भएका छन् ।
मन्त्री लेखक बिहान ९ बजे त्यस क्षेत्रमा अनुगमनका लागि जाने उनको सचिवालयले जानकारी दिएको छ । शुक्रबार राजतन्त्रका पक्षमा आयोजित आन्दोलनका क्रममा तीनकुने क्षेत्रमा ठूलोमात्रामा जनधनको क्षति भएको छ । हिंसात्मक आन्दोलनका क्रममा एक पत्रकारसहित दुई जनाको मृत्यु भएको छ भने आन्दोलनकारीहरुले तीनकुने लगायत आसपासका क्षेत्रमा कयौं घरहरू तोडफोड र आगजनी गरेका छन् ।
यस्तै जडिबुटीमा रहेको जडिबुटी प्रशोधन केन्द्रमा समेत आगजनी गरिएको छ । सरकारी र निजी गाडीहरुमा तोडफोडका साथै आगजनी गरेका छन् ।
प्रतिक्रिया