काठमाडौं । काठमाडौंमा आज गणतन्त्रवादी र राजावादीको प्रदर्शनका कारण सवारी आवागमन अस्तव्यस्त भएको छ। गणतन्त्र समर्थक समाजवादी मोर्चाले भृकुटीमण्डपमा सभा आयोजना गरेको छ भने राजावादीहरूले कोटेश्वरको तीनकुनेमा प्रदर्शन गर्दैछन्।
यसका कारण, काठमाडौंका विभिन्न स्थानमा सवारी रुट डाइभर्ट गरिएको छ। उपत्यका ट्राफिक प्रहरी प्रमुख एसएसपी विनोद घिमिरेका अनुसार, रत्नपार्कबाट भद्रकाली जाने सवारी रुट डाइभर्ट गरिएको छ र रत्नपार्क जाने सवारी साधनलाई बागबजारबाट पुतलीसडक हुँदै डाइभर्ट गरिएको छ। पुतलीसडकको एकतर्फी आवागमन (वान वे) खुला गरिएको छ, र त्यहाँबाट अनामनगर, माइतीघर वा कमलपोखरी तर्फ जान पाइनेछ।
राजावादी प्रदर्शनको कारण तीनकुने र जडीबुटीबाट जाने सवारीलाई रोक लगाइएको छ, तर कोटेश्वर छिचोलेर जानुपर्ने गन्तव्यका लागि वैकल्पिक रुट तोकिएको छैन। तीनकुने बानेश्वर मुख्य लेन पनि बन्द गरिएको छ।
प्रतिक्रिया