रुपन्देही । जारी प्रधानमन्त्री कप क्रिकेट अन्तर्गत आज भएको दोस्रो खेलमा मधेसले बागमतीलाई ४ विकेटले हराएको छ ।
२ सय ६० रनको लक्ष्य मधेसले ४६ दशमलव १ ओभरमा ६ विकेटको क्षतिमा पूरा गरेको छ । मधेसका लागि कप्तान अनिल साहले अर्धशतकीय पारी खेले । ५३ बलमा ७ चौका र २ छक्का प्रहार गरेका उनी ७० रनमा अविजित रहे । रोहन विकले ३९ रन बनाए । बागमतीका लागि सूर्य तामाङले २ विकेट लिए ।
रिजन ढकाल, गौतम केसी, विपिन आचार्य र इशान पाण्डेले १–१ विकेट लिए । पहिले ब्याटिङ गरेको बागमती पूरै ओभर खेलेर ८ विकेटको क्षतिमा २ सय ५९ रन बनाएको थियो ।
प्रतिक्रिया