पीएम कप क्रिकेटः आज लिग चरणका अन्तिम दुई खेल हुँदै,क–कस्को हुँदैछ भिडन्त ?

काठमाडौं । जारी पीएम कपमा आज लिग चरणका अन्तिम दुई खेल अन्तर्गत पहिलो खेलमा नेपाल पुलिस क्लब र त्रिभुवन आर्मी क्लब भिड्दैछन् ।

एक्स्ट्राटेक ओभल क्रिकेट स्टेडियममा यो खेल बिहान ९ बजेदेखि शुरु हुदै छ । जारी प्रतियोगितामा नेपाल पुलिस क्लब अविजित रहेको छ । पुलिस क्लबले ८ खेलमा १६ अंकसहित शिर्ष स्थानमा रहेको छ । त्यस्तै आर्मीले ८ खेलमा ७ खेल जितेर दोस्रो स्थानमा रहेको छ । त्यस्तै आज अर्को खेल मधेश प्रदेश र बागमती प्रदेशबीच हुदै छ ।

सिद्धार्थनगर रंगशालामा हुने यो खेल बिहान ९ बजेदेखि शुरु हुने छ । जारी प्रतियोगितामा मधेश प्रदेशले ८ खेलमा ३ जित हासिल गरेको छ भने बागमती प्रदेशले ८ खेलमा ४ जित हासिल गरेको छ । आजको खेलपछि शिर्ष स्थानमा रहने पहिलो र दोस्रो टिमबीच फाइनल खेल हुने छ ।

फाइनल खेल मार्च २९ मा हुने तालिका रहेको छ ।