सुनसरी । इटहरीको सेन्ट्रल प्लाजामा बिहान ९:३० बजे सुरु भएको आगो छ घण्टापछि नियन्त्रणमा आएको छ।
जिल्ला प्रहरी कार्यालय सुनसरीका प्रवक्ता योगराज खतिवडाका अनुसार आगो निभाउन १२ दमकल र करिब तीन सय सुरक्षाकर्मी परिचालन गरिएको थियो। आगलागीको कारण भने अनुसन्धान भइरहेको छ, र क्षतिको विवरण पनि प्राप्त भएको छैन। आगोमा फसेकाहरूसँगै ११ जनाको सकुशल उद्धार गरिएको छ।
उद्धार गरिएकामा बङ्गलादेशका एमडी जय, अमेरिका राई, लक्ष्मी श्रेष्ठ, विजय धामी, विष्णु तामाङ, सञ्जय जैसवाल, दिया राय, विशाल सिंह, आशिष चौधरी र अन्य दुई जना रहेका छन्। सबैको स्वास्थ्य अवस्था सामान्य रहेको प्रहरीको भनाइ छ।
प्रतिक्रिया