प्रतिपक्षी सांसदहरूको अवरोधले प्रतिनिधिसभा बैठक स्थगित

काठमाडौं । नेपाल विद्युत् प्राधिकरणका कार्यकारी निर्देशक कुलमान घिसिङलाई अपमानजनक रूपमा हटाइएको विरोधमा प्रतिपक्षी दलका सांसदहरूले आजको प्रतिनिधिसभा बैठक अवरुद्ध गरेका छन्।

दिउँसो ३ बजे पुनः सुरु भएको बैठकमा पनि सांसदहरूले अवरोध जारी राखेपछि, सभामुख देवराज घिमिरेले बिहीबार बिहान ११ बजेसम्मको लागि बैठक स्थगित भएको घोषणा गरेका छन्।

यस अघि बिहान ११ बजे शुरु भएको बैठकमा पनि प्रतिपक्षी सांसदहरूको अवरोधका कारण आधा घण्टा बैठक स्थगित गरिएको थियो। समयमै बैठक पुनः सुरु नहुई दिउँसो ३ बजे फेरि बैठक बोलाइएको थियो। बैठकका क्रममा सांसदहरूले उठेर प्रधानमन्त्रीको जवाफ मागेका थिए। सभामुखले बारम्बार आसन ग्रहण गर्नका लागि आग्रह गरेपनि सांसदहरूले अटेर गरेपछि बैठक स्थगित गरिएको हो।