काठमाडौँ। प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी ओलीलाई संसदमा चित्तबुझ्दो जवाफ दिनुपर्ने बताएका छन्।
बुधबार संसद भवनबाहिर सञ्चारकर्मीसँग कुरा गर्दै प्रचण्डले विद्युत् प्राधिकरणका कार्यकारी निर्देशक कुलमान घिसिङको हटाइको विषयमा प्रधानमन्त्री ओलीले स्पष्ट जवाफ दिनुपर्नेमा जोड दिए। उनले भने, “प्रधानमन्त्रीले रोष्टममा आएर जवाफ दिनुपर्छ। चित्तबुझ्दो जवाफ आए मात्र सदन चल्न सक्छ, नत्र चल्दैन।”
प्रधानमन्त्री ओलीले टीआरसीको विषयमा छलफल गर्न प्रयास गरेपछि साझा विषय भएकाले आफू बैठकमा गएको प्रचण्डले बताए। यसैगरी, बैठकमा कुलमानबारे कुनै चर्चा नगरेको उनले जिकिर गरे।
प्रतिक्रिया