सुनसरी । सुनसरीको इटहरीस्थित नौ तले सेन्ट्रल प्लाजामा आगलागी जारी छ। आज (बुधबार) बिहान उक्त भवनको पाँचौँ तलामा आगो लागेको थियो। आगोको कारण के हो भन्ने भने अझै स्पष्ट भएको छैन।
आगलागीका कारण सेन्ट्रल प्लाजाबाट १६ जनालाई सुरक्षित बाहिर निकालिएको छ। घटनास्थलमा नेपाली सेनाको हेलिकप्टर समेत पुगेर फर्किएको छ भने, अन्य व्यक्तिहरूको खोजी र उद्धार कार्य जारी रहेको छ।
घटनास्थलमा नेपाल प्रहरी, सशस्त्र प्रहरी बल र नेपाली सेनाका ३२२ जना सुरक्षाकर्मी खटिएका छन्। त्यसैगरी, १२ वटा दमकल पनि घटनास्थलमा पुगेका छन्।
सेन्ट्रल प्लाजामा होटेल वरन्डा, रेस्टुरेन्ट, क्युएफेक्सको सिनेमा हल, सनराइज बैंक, क्याफे, मोबाइल सर्भिस सेन्टर र विभिन्न पसलहरू रहेका छन्।
प्रतिक्रिया