मेयर बालेनलाई पक्राउ गर्न एमाले युवा संघको माग

काठमाडौं । नेकपा एमालेसँगको भ्रातृ संगठन युवा संघ नेपालले काठमाडौं मेयर बालेन शाहलाई समाजमा अशान्ति नफैलाउने चेतावनी दिएको छ।

युवा संघको महानगर कमिटीले मंगलबार एक प्रेस विज्ञप्ति जारी गर्दै मेयर बालेनलाई आपत्तिजनक टिप्पणीहरू गर्ने कारण कानुनी कारबाहीको माग गरेको हो। सोमबार साँझ बालेन शाहले सामाजिक सञ्जालमा “अबको एक हप्तामा महानगरका कर्मचारीले तलब नपाए सबैलाई टुकुचामा गाड्ने” भन्ने अभिव्यक्ति दिएका थिए, जसलाई युवा संघले गलत र उत्तेजनापूर्ण ठानेको छ ।

संघले मेयर शाहलाई पदीय जिम्मेवारीको सदुपयोग गर्दै समाजमा सकारात्मक प्रभाव पार्नका लागि सचेत गराउँदै, सस्तो लोकप्रियता र सामाजिक सञ्जालमा लाइक बटुल्नका लागि स्तरहीन बयानहरू नदिन चेतावनी दिएको छ।