“एक हप्तामा तलब नदिए टुकुचामा गाडिदिन्छु!” – मेयर बालेन

काठमाडौं । काठमाडौं महानगरपालिका (कामपा) का मेयर बालेन शाहले नगरपालिकाका कर्मचारीहरूलाई तलब नदिने व्यवस्थापकहरूप्रति कडा कारबाहीको चेतावनी दिएका छन्।

उनले अर्को एक हप्ताभित्र कर्मचारीहरूलाई तलब नदिएमा सम्बन्धित जिम्मेवारहरूलाई टुकुचामा गाड्ने धम्की दिएका छन्। शुक्रबार साँझ सामाजिक सञ्जाल मार्फत मेयर शाहले सरकारको अहंकारले गर्दा पिछ्ला तीन महिनादेखि सरसफाइ कर्मचारीहरूले तलब पाउन नसकेको बताए। उनले आफ्नो फेसबुक पोष्टमा लेखे, “काठमाडौं महानगरपालिकाका सरसफाइ कर्मचारीहरूले ३ महिनादेखि तलब पाएका छैनन्। सरकारको दम्भले यस्तो भएको हो। को-कोले कस्तो आन्दोलन गर्छ, मलाई थाहा छैन। तर अबको एक हप्ताभित्र हाम्रा कर्मचारीहरूले तलब पाएनन् भने, म सम्बन्धित जिम्मेवारहरूलाई टुकुचामा गाडिदिने छु!”

यसैसाथ उनले राजनीतिक दलहरूका नेताहरूप्रति पनि संकेत गर्दै भने, “त्यसपछि हेरौंला, तपाईंहरूको तन्त्रले के गर्छ!”

मेयर शाहको यो कडा बयानले सरकार र नगरपालिकाको वित्तीय प्रशासनप्रति गम्भीर चिन्ता उठाएको छ। कर्मचारीहरूको तलब नदिने समस्याको समाधानका लागि उनले अहिले नै कारबाही गर्ने जोड दिएका छन्।