सिंहदरबारमा तीन दलका शीर्ष नेताहरूको छलफल

काठमाडौं । नेपालका तीन प्रमुख दलका शीर्ष नेताहरुले समसामयिक राष्ट्रिय मुद्दाहरू र सङ्क्रमणकालीन न्यायसँग सम्बन्धित विषयमा छलफल गरेका छन्।

प्रधानमन्त्री एवम् नेपाल कम्युनिष्ट पार्टी (एमाले)का अध्यक्ष केपी शर्मा ओली, नेपाली कांग्रेसका सभापति शेरबहादुर देउवा, र नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’को उपस्थितिमा सिंहदरबारस्थित प्रधानमन्त्री कार्यालयमा उक्त बैठक सम्पन्न भएको हो।

यस छलफलमा गृहमन्त्री रमेश लेखक, माओवादी केन्द्रका नेताहरु शक्ति बस्नेत र खिमलाल देवकोटा, साथै प्रधानमन्त्री ओलीका सल्लाहकार अग्नी खरेलको समेत सहभागिता रहेको थियो ।

उक्त छलफलअघि अध्यक्ष प्रचण्डले राष्ट्रपति रामचन्द्र पौडेलसँग भेट गरेका थिए ।