घोराही (दाङ) । घोराही उपमहानगरपालिकाको ९ नम्बर वडा स्थित साङ्ग्रिला प्लाई उद्योगमा विद्युत् सर्ट भएर भीषण आगलागी भएको छ, जसबाट करोडौं रुपैयाँको क्षति भएको छ।
प्रहरी नायव उपरीक्षक चक्रबहादुर शाहका अनुसार आगलागीका कारण आठ बिघा क्षेत्रफलमा फैलिएको उद्योगको सम्पत्ति, काठ, कच्चा पदार्थ र प्लाई निर्माणका मेसिनहरु जलेर नष्ट भएका छन्।
उद्योग नजिकका ३० भन्दा बढी घरहरु पनि जोखिममा परेको हुँदा स्थानीयलाई सुरक्षित स्थानमा स्थानान्तरण गरिएको छ। आगो निभाउन घोराही, तुलसीपुर, लमही, गढवा र कपिलवस्तुका दमकल, प्रहरी, सशस्त्र प्रहरी र नेपाली सेनासहित स्थानीयवासी जुटेका छन्। आगो राति २ बजे लागेको भएता पनि अहिले पनि नियन्त्रणमा आउन सकेको छैन।
प्रतिक्रिया