पूर्वराजा शाह कुनै हालतमा संवैधानिक राजा बन्ने योग्य छैनन्: देउवा

काठमाडौँ । नेपाली कांग्रेसका सभापति शेरबहादुर देउवाले पूर्वराजा ज्ञानेन्द्र शाहलाई संवैधानिक राजा बन्ने योग्य नभएको टिप्पणी गरेका छन्।

कांग्रेसको बाग्मती प्रदेशस्तरीय प्रशिक्षण कार्यक्रमको उद्घाटन गर्दै देउवाले शाहका राजनीतिक कदम र व्यक्तित्वको आलोचना गर्दै भने, “पूर्वराजा शाह कुनै हालतमा संवैधानिक राजा बन्ने योग्य छैनन्।”

देउवाले राप्रपाको बारेमा पनि टिप्पणी गर्दै भने, “राप्रपा अहिले पछुताउने छ, कारण उनीहरूले शाहलाई बोकेर हिँडेका छन्।” साथै, देउवाले सुझाव दिए कि यदि शाहलाई राजनीति गर्नै छ भने, उनी आफैं पार्टी खोलेर त्यसमा काम गर्न सक्छन्, तर त्यहाँ लाग्नेहरूको पनि दुख हुन्छ।

सभापति देउवाले शाहको व्यक्तित्व र आचरणलाई लिएर टिप्पणी गर्दै थप भने, “उनको बानी र टेम्पारामेन्टले देखाउँछ कि उनी संवैधानिक राजा बन्ने योग्य छैनन्।”