काठमाडौं । रुकुमपश्चिमको चौरजहारी-१ मा ट्रकमा लोड गरिएका मार्बल र सिमेन्टले च्यापेर एक मजदुरको मृत्यु भएको छ र अर्का एक मजदुर घाइते भएका छन्।
मृत्यु हुने व्यक्ति २४ वर्षीय देवचन्द्र सार्की डोल्पाको त्रिपुरासुन्दरी नगरपालिका-१ का थिए, घाइते हुने २१ वर्षीय मन्दिर सार्की सोही नगरपालिका-६ का हुन्।
जिल्ला प्रहरी कार्यालय रुकुमपश्चिमका अनुसार, दुबै मजदुर लु.प्र ०३–००१ क ००२७ नम्बरको मिनी ट्रकमा रहेका थिए। ट्रकको वरिपरि मार्बल बाँधेर लोड गरिएको थियो, तर सडकको घुम्तीमा डोरी चुँडिन पुगेपछि मार्बलले दुवै मजदुरलाई च्यापेको प्रहरी निरीक्षक ऋषि पाठकले बताए।
प्रतिक्रिया