सिन्धुपाल्चोकको एक महिला टोली १ हजार ७ सय किलोमिटर लामो ग्रेट हिमालय ट्रेल पदयात्रामा निस्किएको छ ।
काठमाडौँबाट ताप्लेजुङ पुगेर यात्रा सुरु गरेको यात्रा १७ जिल्ला जोड्ने पदमार्ग पार गर्दै एक सय दिनमा दार्चुला पुगेर यात्रा टुंग्याउने छ । आन्तरिक पर्यटनमा टेवा पुर्याउने तथा राष्ट्रव्यापी भ्रमणको अनुभव बटुल्ने उद्देश्यका साथ पदयात्रा सुरु गरेको टोलीको नेतृत्व गरेकी माया गुरुङले जानकारी दिइन् ।
महिलाको टोलीलाई सोमबार ताप्लेजुङ सदरमुकाम फुङलिङमा स्वागत र बिदाई गरिएको छ । सदरमुकाम फुङलिङका केही होटल व्यवसायीले होटल प्यारीजमा स्वागत तथा बिदाई गरेका हुन् । टोलीले सोमबारदेखिनै ट्रेल रुटमा पर्ने कञ्चनजंघातर्फ यात्रा सुरु गरेको छ । सोमबार तापेथोकको सेकाथुमसम्म गाडीमा र त्यसपछि ट्रेकिङ सुरु गरेको थियो ।
टोलीमा १९ देखि ४३ वर्षका महिला छन् ।
प्रतिक्रिया