बुटवल। नेकपा (एकीकृत समाजवादी) रूपन्देहीको आगामी जिल्ला अधिवेशनको तयारी तीव्र पारिएको छ।
चैत ९ र १० गते हुने जिल्ला अधिवेशनका लागि मुल आयोजक कमिटीको सचिवालय बैठक बसि आवश्यक तयारीहरूको समीक्षा गरिएको हो। बैठकले जिल्लाको नयाँ कमिटी ५१ सदस्यीय बनाउने प्रस्ताव पेश गर्ने निर्णय गरेको छ। साथै, अधिवेशनको अन्य तयारीको सिलसिलामा चैत ७ गते पत्रकार सम्मेलन आयोजना गर्ने निर्णय पनि कार्यवाहक अध्यक्ष श्रीराम यादवले जनाएका छन्।
पार्टीका पोलिटब्यूरो सदस्य नन्दलाल बञ्जाडेको प्रमुख आतिथ्यतामा भएको बैठकमा केन्द्रीय सदस्य भवगती घिमिरे र बाबुलाल यादव पनि उपस्थित थिए। बैठकको क्रममा पाँचवटा उपसमितिका संयोजकहरूले प्रगति विवरण प्रस्तुत गरेका थिए, भने उपसचिव टंक पोखरेलले बैठकको जानकारी दिएका छन्।
प्रतिक्रिया