काठमाडौं । विपक्षी चार दलको समाजवादी मोर्चाले आगामी चैत १५ गते राजधानी काठमाडौंमा एक भव्य जनसभा आयोजना गर्ने योजना बनाएको छ।
मोर्चाको बैठकमा सहभागी नेता खड्गबहादुर विश्वकर्मा (प्रकाण्ड) ले जनसभा भव्य बनाउने र हजारौं जनताको सहभागिता सुनिश्चित गर्ने उद्देश्य रहेको जानकारी दिएका छन्। उनले भने, “यो प्रदर्शन निकै ठूलो हुने छ, जसले प्रतिगामी कदम र हर्कतलाई नकारात्मक प्रभाव पार्नेछ। हामीले १५ गतेको कार्यक्रमलाई सफल बनाउन सबै तयारी पूरा गर्ने निर्णय गरेका छौं।” साथै, संसदवादी दल र अन्य दलहरूसँग छलफल गर्न, गणतन्त्रको रक्षा र समाजवादतर्फको यात्रा सुनिश्चित गर्न छलफल गर्ने कुरा पनि बैठकमा निर्णय भएको छ।
साथै, मोर्चाले प्रदर्शनको तयारीका लागि भोलि बिहान ११ बजे बुद्धिजीवी र नागरिक समाजसँग परामर्श बैठक आयोजना गर्ने निर्णय गरेको छ। दिउँसो २:३० बजे पत्रकार सम्मेलनको पनि आयोजना गरिनेछ। कुपण्डोल स्थित हिमालयन होटेलमा दुवै कार्यक्रम हुनेछन्।
प्रतिक्रिया