सैनामैना । कपिलवस्तु ११ ले सैनामैनाको मुर्गियामा आयोजित पहिलो सुनगाभा सैनामैना गोल्डकप फुटबल प्रतियोगिताको उपाधि जितेको छ।
मुर्गिया फुटबल क्लबको आयोजनामा भएको फाइनल खेलमा कपिलवस्तु ११ ले अभिषेक चर्च रजहर नवलपुरलाई १–० गोल अन्तरले हराउँदै विजेता बन्न सफल भएको हो। खेलको पहिलो हाफमा दुवै टिमले गोल गर्न सकेनन्, तर दोस्रो हाफको १० मिनेटमा कपिलवस्तु ११ का मोहम्मदले गोल गर्दै टिमलाई विजय दिलाए।
प्रतियोगितामा कुल १० टिमको सहभागिता थियो, र विजेताले ७ लाख रुपैयाँ नगद, ट्रफी, मेडल र प्रमाणपत्र प्राप्त गर्यो। दोस्रो स्थानमा रहेका अभिषेक चर्च रजहर नवलपुरले ४ लाख रुपैयाँ नगद र अन्य पुरस्कार प्राप्त गरे।
समापन समारोहमा नेकपा माओवादीका अध्यक्ष पुष्पकमल दाहाल प्रचण्डले क्लबको योगदानको प्रशंसा गर्दै गौतमबुद्ध स्टेडियम निर्माणमा पूर्ण सहयोग गर्ने वचन दिएका थिए।
प्रतिक्रिया