बुटवल । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रतिगामी र प्रतिक्रियावादी शक्तिको षड्यन्त्रविरुद्ध लाखौं जनतालाई सडकमा उतारेर खबरदारी गर्ने चेतावनी दिएका छन्।
मगर राष्ट्रिय मुक्ति मोर्चा नेपालको छैटौं राष्ट्रिय सम्मेलनको उद्घाटन गर्दै प्रचण्डले अहिलेको सत्ता गठबन्धनको भ्रष्टाचार र विचौलियाको पक्षमा भइरहेको गतिविधिबारे असन्तुष्टि र निराशा उत्पन्न भएको बताए। उनले संघीय लोकतान्त्रिक गणतन्त्रको रक्षा र सुदृढीकरणका लागि माओवादी पार्टी सबै परिवर्तनकारी शक्तिसँग मिलेर संघर्ष गर्न तयार रहेको स्पष्ट गरे।
प्रचण्डले जनताले प्राप्त गरेका अधिकारको रक्षा गर्दै प्रत्यक्ष निर्वाचित कार्यकारी प्रमुख र समानुपातिक निर्वाचन प्रणालीको पक्षमा अगाडि बढ्नुपर्ने आवश्यकता रहेको बताए। उनले माओवादी पार्टी दृढ प्रतिबद्धतासाथ अघि बढ्ने र कुनै पनि प्रतिगामी षड्यन्त्रलाई परास्त गर्ने बताएका छन्।
अध्यक्ष प्रचण्डले जातीय र क्षेत्रीय मोर्चाहरुको ऐतिहासिक भूमिकासँगै माओवादी पार्टीको समाजवादी क्रान्तिको सिद्धान्तमा बल पुर्याउने बताए।
प्रतिक्रिया