काठमाडौं । नेपाली राष्ट्रिय फुटबल टोलीको मुख्य प्रशिक्षकमा अस्ट्रेलियाका म्याट रस नियुक्त भएका छन्।
अखिल नेपाल फूटबल संघ (एन्फा)ले रसलाई आइतबार मुख्य प्रशिक्षक नियुक्त गरेको हो। उनलाई तत्काल एक वर्षको लागि प्रशिक्षक नियुक्त गरिएको एन्फाले जनाएको छ। एन्फाका तर्फबाट महासचिव किरण राईले सम्झौता पत्रमा हस्ताक्षर गरेका थिए । एसियन कप छनोट सुरु हुनु खेल झन्डै ३ साताको समय बाँकी रहँदा एन्फाले मुख्य प्रशिक्षक नियुक्त गरेको छ।
यसअघिका इटालियन मुख्य प्रशक्षिक भिनसेन्जो अल्बर्टो एनेससँगको सम्झौता गत भदौमा सकिएको थियो। त्यसयता नेपाली टोली प्रशिक्षकविहीन रहेको थियो।
प्रतिक्रिया