काठमाडौं । विश्वकप विजेता इटालियन गोलकिपर जियालुजी बुफोन आज नेपाल आएका छन् ।
राष्ट्रिय युवा सङ्घ नेपालको आयोजनामा भइरहेको तेस्रो संस्करणको केपी ओली कपको फाइनलमा प्रमुख अतिथिका रूपमा बुफोन दिउँसो नेपाल आएका हुन् । इटालीलाई सन् २००६ मा आयोजित विश्वकपको उपाधि दिलाउन गोलरक्षक बुफोनले महत्वपूर्ण भूमिका निर्वाह गरेका थिए ।
उक्त विश्वकपको फाइनल खेलमा इटालीले फ्रन्सलाई पेनाल्टी सुटआउटमा ५-३ गोल अन्तरले हराएको थियो । गएको आइतबार देखि सुरु भएको केपी ओली कपको फाइनल खेल भोलि साँझ ६ बजे दशरथ रंगशालमा हुँदैछ ।
फाइनल खेलमा मच्छिन्द्र एफसी र त्रिभुवन आर्मी क्लब भिड्दैछन् ।
प्रतिक्रिया