काठमाडौं । जारी आईसीसी च्याम्पियन्स ट्रफी अन्तर्गत गएराति भएको खेलमा भारतले पाकिस्तानलाई ६ विकेटले पराजित गरेको छ ।
पाकिस्तानले दिएको २ सय ४२ रनको लक्ष्य पछाएको भारतले ४२ दशमलव ३ ओभरमा ४ विकेट गुमाउदै लक्ष्य पुरा गरेको थियो । भारतका लागि विराट कोहलीले अविजित १०० रन बनाएका थिए । कोहलीको यो एकदिवसीय क्रिकेटमा ५१ शतक बनाएका छन् । त्यस्तै श्रेयस अय्यरले ५६ र कप्तान रोहित शर्माले ४६ रन बनाए ।
यसअघि टस जितेर पहिला ब्याटिंग गरेको पाकिस्तानले ४९ दशमलव ४ ओभरमा अल आउट हुदै २ सय ४१ रन बनाएको थियो । पाकिस्तानका लागि साउद शाकीलले सर्बाधिक ६२ रन बनाए भने कप्तान मोहमद रिजवानले ४६ रन बनाएका थिए । त्यस्तै खुशदिल शाहले ३८ रन बनाए भने बबर आजमले २३ र सलमान अली अघाले १९ रन बनाएका थिए ।
यो जितपछि भारत समुह ए मा २ जितपछि सेमिफाइनलको यात्रा लगभग पक्का भएको छ भने पाकिस्तानले लगातार २ खेलमा हारेर लगभग प्रतियोगिताबाट बाहिरिएको छ ।
प्रतिक्रिया