काठमाडौं । चार देशीय अन्तर्राष्ट्रिय महिला च्याम्पियनसि फुटबल प्रतियोगिता अन्तर्गत नेपालले आज आफ्नो खेल आज लेबनानसँग खेल्दैछ। दशरथ रगशालामा खेल साँझ ६ बजे सुरु हुनेछ।
पहिलो खेलमा कीर्गिस्तानविरुद्ध जित निकालेर प्रतियोगितामा सकारात्मक सुरुवात गरेको नेपालले लेबनानविरुद्धको खेलपनि जित निकाल्ने दाउमा छ । ४ टोली मध्ये शीर्ष २ मा रहँदै फाइनल पुग्ने सम्भावना बलियो बनाउन यो खेल जित्नै पर्ने हुन्छ। त्यसैले लेबनानविरुद्ध खेलमा फराकिलो अन्तरको जित निकाल्ने लक्ष्यमा नेपाली टोली छ।
फिफाको महिला वरियतामा नेपाल १०३ र लेबनान १३४औं स्थानमा छन्। यी दुईबीच एक पटक खेल भएकोमा नेपालले जितेको छ। गत वर्ष साउदी अरेवियामा भएको वाफ महिला च्याम्पियनसिपको सेमिफाइनलमा लेबनानलाई २–१ गोलले हराउँदै नेपाल फाइनल पुगेको थियो।
प्रतिक्रिया