फागुन ६ गते मंगलबारको तपाईँको राशिफल

काठमाडौं । आज मिति २०८१ साल फागुन महिनाको ६ गते मंगलबार ।

तदनुसार २०२५ फेब्रुअरी १८ तारिख । नेपाल सम्बत ११४५ । आज सूर्योदय बिहान ६ः३८ बजे हुनेछ भने सूर्यास्त साँझ ५ः५७ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
मिहेनतले पदिय जिम्मेवारी दिलाउनेछ । इच्छाएको अवसर प्राप्त हुनाले मन प्रफुल्लित हुनेछ । काममा सन्तुष्टि मिल्नुका साथै मोजमस्ती गर्ने समय रहेको छ । जीवनसाथिको भावनालाई कदर गर्दै आज कतै गएर समय व्यतित गर्नु राम्रो होला । आर्थिक संकटको दिन रहेको छ । घरायसी व्यवहार धान्नसमेत मुस्किल पर्ने देखिन्छ ।

बृष (इ, उ, ए, ओ, बा, बि, बु, बे, बो) –
गरेको मिहेनतले सार्थक परिणाम प्राप्त हुनेछ । काममा हडबड र शीघ्रता राम्रो नहोला । कटुशब्दको प्रयोग र अर्काको आलोचना गर्ने बानी छ भने मुखमा लगाम लगाउनु राम्रो होला । कलह र झैझगडामा संलग्न हुनुपर्ने परिस्थिति छ । नबनेको कुनै काम छ भने एकान्तमा बसेर दोहोर्याएर प्रयत्न गर्नुहोला ।

मिथुन (का, कि, कु, घ, ङ, छ, के, को, ह) –
मन भावुक र संवेदनशील बन्न सक्छ । बौद्धिक क्षमता वा सीप बढाउने प्रयत्न गर्नुपर्ने देखिन्छ । जस्तै चुनौतीपूर्ण काम भएपनि सफलता मिल्नेछ । परिक्षा वा प्रतिष्पर्धामा विजय प्राप्त गर्ने दिन रहेको छ । थोरै मिहेनत गर्दा समेत ठूलो सफलता पाउने समय हो ।

कर्कट (हि, हु, हे, हो, डा, डि, डु, डे, डो) –
मानसिक तनाव बढ्नेछ । हाकिम वा उच्चपदस्थ अधिकृतसँगको सम्बन्ध कमजोर बन्नसक्छ । सहकार्य वा साझेदारीको काममा दौडधूप गर्नुपर्ने समय हो । कारोबारमा ध्यानकेन्द्रित हुनसक्दैन, तर पनि आर्थिक सन्तुलन कायम रहने दिन हो ।

सिंह (मा, मि, मु, मे, मो, टा, टि, टु, टे) –
अध्ययन र अनुसन्धानमा रुचि बढ्नेछ । मिहेनतले राम्रो परिणाम प्राप्त हुनेछ । उपलब्धिमा साथिभाई, गुरुजन र अभिभावकको समेत महत्वपूर्ण सहयोग मिल्नेछ । धार्मिक र सामाजिक प्रयोजनका काममा चासो बढ्ने समय रहेको छ । रमाइलो गतिविधिमा आजको दिन व्यतित हुनेछ । महत्वपूर्ण कार्य सम्पन्न हुनाले आत्मविश्वास बढ्नेछ ।

कन्या (टो, प, पि, पु, ष, ण, ठ, पे, पो) –
आफ्नो शब्द र वचनले कसैको मन नदुखोस भन्ने कुरामा ख्याल राख्नुहोला । मुखले भनेकै भरमा कुनै महत्वपूर्ण काम बन्नसक्ने राम्रो समय हो । वरिष्ठ कर्मचारिलाई खुसी पारेर आफ्नो स्वार्थ पूरा गर्न सकिन्छ । सकेसम्म समुचित कार्यका लागि कम बोलेको ठीक हुन्छ ।

तुला (र, रि, रु, रे, रो, ता, ति, तु, ते) –
हिसाबकिताबमा देखिएको कमजोरी र त्रुटि सच्याएर अघि बढेमा फाइदा लिन सकिने छ । दैनिक जीवन सहजताका साथ बिते पनि कुनै कारणवश पतिपत्नीमा विचार नमिल्न सक्छ, तथापि समर्पण भाव र मायाप्रीति कायम नै रहने देखिन्छ । नयाँ कुरा पढ्ने वा सिक्ने रहर जागेर आउने छ । नजानेको विषयवस्तुप्रति केन्द्रित हुन सकेमा उपलब्धि लिन सकिएला ।

बृश्चिक (तो, ना, नि, नु, ने, नो, या, यि, यु) –
विवादास्पद निर्णयमा सरिक हुनुपर्ने समय छ, व्यर्थैमा अरुको स्वार्थका लागि खट्नुपर्ने हुन्छ, सुखदुःखमा साथ दिनेहरू भने फेलापर्ने छन् । जिम्मेबारी बढ्नाले व्यवहारिक काममा खट्नुपर्ने परिस्थिति छ, त्यसैले प्रेम जीवनमा बाधा पुग्नसक्छ । सकेसम्म आपसी भेटघाट र भलाकुसारीलाई निरन्तरता दिनुहोला । आफ्ना भावना र महत्तवाकाङ्क्षाहरू उपर नियन्त्रण गर्नु आवश्यक छ ।

धनु (ये, यो, भ, भि, भु, ध, फा, ढ, भे) –
एकअर्काका भावना बुझेर चल्नुपर्ने दिन हो, सहकर्मी वा सहपाठीका बीचमा प्रेम सम्बन्ध रहेको छ भने आजको दिन विशेष बन्नसक्छ । महत्त्वपूर्ण व्यक्तिसित निकटता बढ्नेछ, कार्यक्षेत्रबाट लाभ मिल्नेछ । प्रतिस्र्पद्धामा विजयी भएर आफ्ना शत्रुमाथि दबाब सिर्जना गर्न सकिने छ । कारोबारमा राम्रै फड्को मार्ने समय छ, लागी परेमा रोकिएको काम बन्नेछ तर दायित्व र जिम्मेवारी भने बढिरहने समय हो ।

मकर (भो, ज, जि, खि, खु, खे, खो, गा, गि) –
आपसी सम्बन्धमा नयाँ मिठास देखापर्न सक्छ, घरपरिवारले आफ्ना समस्या बुझ्ने तथा बृद्धबृद्धासमेत खुसी भएर आशीर्वाद दिने समय हो । क्षमता र सीपको सही मूल्याङ्कन हुने समय छ । पेसा, व्यवसाय वा क्यारियरका बारेमा चिन्तन गरी पढाइलाई अघि बढाउनु ठीक हुन्छ । सरकारी कामका माध्यमबाट लाभ लिन सकिने छ, अझ समाजसेवा वा राजनीति नै कार्यक्षेत्र हो भने मानसम्मान समेत पाउन सक्ने योग छ ।

कुम्भ (गु, गे, गो, सा, सि, सु, से, सो, द) –
सार्वजनिक हित वा परोपकारी काममा खट्नुपर्ने समय छ । प्रशस्त सम्भावना र उपलब्धिहरू भएको राम्रो दिन हो । घरपरिवार, आफन्त र साथीभाइको सहयोग गर्न तत्परता देखाउने समय छ । मन कमजोर भएको आभाष हुनसक्ने भएकाले आफुलाई सम्हाल्ने प्रयास गर्नुहोला ।

मीन (दि, दु, थ, झ, ञ, दे, दो, च, चि) –
परिवार र साथिभाईप्रतिको तपाईँको भावनाले चिन्ता बढाउन सक्छ । गरेका प्रत्येक काममा असफलता वा बाधा व्यहोर्ने दिन हो । लेनदेनका क्रममा दबाबमा हुनुहुन्छ भने पनि समझौता गर्नुहुँदैन । समय बित्दै जाँदा दैनिकीमा सुधार आउने छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७–९८४२२१९७३५