प्रेम दिवसको दिन कस्तो छ तपाईँको राशिफल ?

काठमाडौं । आज मिति २०८१ साल फागुन महिनाको २ गते शुक्रबार ।

तदनुसार २०२५ फेब्रुअरी १४ तारिख । नेपाल सम्बत ११४५ । आज सूर्योदय बिहान ६ः४१ बजे हुनेछ भने सूर्यास्त साँझ ५ः५५ बजे हुनेछ । अब सुरु गरौँ आजको राशिफल..

मेष (चु, चे, चो, ला, लि, लु, ले, लो, अ) –
आन्तरिक प्रतिभाको प्रस्फुटन हुने राम्रो दिन रहेको छ । कला र साहित्यप्रति झुकाव छ भने फुरेको बिषवस्तु टिपोट गर्नुहोला, भविष्यमा काम लाग्नेछ । समस्यामुलक कुनै काम छन भने आफुभन्दा माथिल्लो तहको कर्मचारिको सहयोग लिनु उचित होला । जस्तो सुकै चुनौतीपूर्ण काम भएपनि सफलता मिल्नेछ ।

बृष (इ, उ, ए, ओ, बा, बि, बु, बे, बो) –
साथिसँगी र विश्वासपात्रले नै निचो देखाउने र गोपनीयता भंग गर्ने प्रयास गर्नेछन् । व्यक्तिगत जीवनका बारेमा बढी खुलस्त हुनु राम्रो नहोला । पदप्रतिष्ठामा अभिबृद्धि हुने तथा आम्दानिका मार्गहरु सहज हुने सुन्दर दिन छ । घरपरिवारमा सम्पर्क राखि भावना साटासाट गर्न पाउँदा शान्तिको अनुभुति हुनेछ ।

मिथुन (का, कि, कु, घ, ङ, छ, के, को, ह) –
पारिवारिक वातावरण सुखमय रहनेछ । साथिसँगीसित भेटघाट गर्दै नयाँ योजना बनाउने हौसला जाग्नेछ । कहीँ कतै भ्रमणमा निस्कने योगसमेत बन्नेछ । मिहेनतको राम्रो नतिजा प्राप्त हुने समय रहेको छ । धार्मिक र सामाजिक प्रयोजनका काममा चासो बढ्ने समय छ । प्रतिभा र सीपको कदर हुनुका साथै महत्वपूर्ण कार्य सम्पन्न हुनाले आत्मविश्वास बढ्नेछ ।

कर्कट (हि, हु, हे, हो, डा, डि, डु, डे, डो) –
कुनै ठुलो उपहार वा धन प्राप्त हुने योग रहेको छ । आफुभन्दा माथिल्लो तहको कर्मचारिलाई कामको माध्यमबाट खुसी बनाउन सकिनेछ । धनको कारोबार वा किनमेलको क्षेत्रबाट विशेष लाभ हुनेछ । घरपरिवारबाट धार्मिक कृत्य वा शुभ कर्म गर्ने सन्देश आउन सक्छ ।

सिंह (मा, मि, मु, मे, मो, टा, टि, टु, टे) –
कुनै प्रशासनिक वा व्यवस्थापकिय कार्यका लागि अनुकूल समय रहेको छ । तामा र रातो चिजबीजमा फाइदा देखिन्छ । मनमस्तिष्क नै हलुका र उत्साही बन्नेछ । कामको चापबाट फुर्सद पाइनुका साथै जीवनसाथिका साथमा कुनै सानोतिनो यात्रामा निस्कने योग समेत रहेको छ । आफ्नो रुचिको विषयमा अगाडि बढ्ने थुप्रै अवसरहरू देखा पर्नेछन् ।

कन्या (टो, प, पि, पु, ष, ण, ठ, पे, पो) –
घरबाहिर निस्कँदा तालासाँचो बलियो बनाएर निस्कनुहोला । अझ घरमा नयाँ र नौलो मानिसको उपस्थिति छ भने सतर्क रहनुहोला । मनको हठ र कुण्ठामा भुलिने समय छ । परिबन्द वा बाध्यतामा धन खर्च हुने दिन रहेको छ । साथै मानप्रतिष्ठा र सम्मानमा पनि आघात पुग्नसक्छ । जोखिम मोलेर कुनै पनि काम नगर्नु उचित होला ।

तुला (र, रि, रु, रे, रो, ता, ति, तु, ते
भावना साटासाट गर्न पाइने र एकान्तमा रमाउन पाउँदा प्रेमसम्बन्ध अझ प्रगाढ बन्दै जानेछ । प्रेमिकाबाट कुनै आकर्षक उपहार प्राप्त हुनेछ । उच्चकोटिको पारिवारिक सुख मिल्ने देखिन्छ । थालेको काम बिचमा नै अवरुद्ध भएको छ भने फेरि प्रयास गर्दा सफल भइनेछ । खर्च बृद्धिको योग रहेको छ । विगतको लगानीले राम्रो प्रतिफल दिने देखिन्छ ।

बृश्चिक (तो, ना, नि, नु, ने, नो, या, यि, यु) –
एकदमै मिहेनत गर्नुपर्ने दिन रहेको छ । कुनै परिक्षा वा प्रतिष्पर्धामा सहभागी हुँदै हुनुहुन्छ भने निराश नभई प्रयास गर्नुहोला । कर्तव्यप्रति सचेत हुने तथा जिम्मेवारी बोध हुने राम्रो दिन रहेको छ । सरकारी कामका माध्यमबाट लाभ लिन सकिने छ । समाजसेवा वा राजनीति नै कार्यक्षेत्र हो भने मानसम्मान पाउने योग रहेको छ ।

धनु (ये, यो, भ, भि, भु, ध, फा, ढ, भे) –
घरपरिवार, आफन्त र साथीभाइको सहयोग गर्न तत्परता देखाउने समय रहेको छ । अरुले तपाईंको कमजोरी र उदार स्वभावको अनावश्यक फाइदा उठाउन सक्छन् । अचानक परिस्थिति फेरिएर इच्छाएको जिम्मेबारी प्राप्त हुनेछ । वैकल्पिक आम्दानीका निमित्त कुनै नयाँ कारोबारप्रति आकर्षण देखाएमा समेत लाभ पाउन सकिने छ ।

मकर (भो, ज, जि, खि, खु, खे, खो, गा, गि) –
आफन्त वा मित्रवर्गमा विरोधाभास र मतभेद बढ्ने समय हो । बल प्रदर्शन गर्ने र तुजुक देखाउने काममा पछि हट्नु ठीक होला । अस्वस्थ हुनुहुन्छ भने समय निकालेर आराम गर्नु उचित होला । खनिज पदार्थ र पुरातात्तिवक चिजबीजको व्यवसायमा फाइदा देखिन्छ ।

कुम्भ (गु, गे, गो, सा, सि, सु, से, सो, द) –
पारिवारिक जीवन र दाम्पत्य जीवन सुखमय रहनेछ । आज मिलनसार स्वभावको विकास हुनाका साथै ठूलाबडासँग सम्बन्ध बढ्नेछ । कलात्मक कार्य, अभिनय, गायन, नृत्य, डेकोरेशन वा ड्रेस डिजाइनिङ जस्ता कामबाट राम्रो फाइदा मिल्नेछ । आजको कुनै समय वैवाहिक सम्बन्धका सुमधुर पलहरूको स्मृतिमा बित्ने तथा हृदय भावुक बन्नसक्ने दिन हो ।

मीन (दि, दु, थ, झ, ञ, दे, दो, च, चि) –
आफूलाई अरुभन्दा फरक साबित गर्न प्रयास गर्ने दिन रहेको छ । रिसराग बढ्ने समय भएकाले घरव्यवहारमा आफूलाई संयमित ढंगले प्रस्तुत गर्नुपर्ने देखिन्छ । कार्यक्षेत्रभन्दा बाहिरको जिम्मेबारीमा खट्नुपर्ने दिन रहेको छ । प्रेमीको स्वास्थ्यस्थिति वा कार्यक्षेत्रमा समस्या उत्पन्न हुनाले मन निराश बन्नसक्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७–९८४२२१९७३५