दोहोरो अंकले घट्यो नेप्से, कतिको भयो कारोबार ?

काठमाडौं । साताको पहिलो कारोबारको दिन आइतबार सेयर बजार परिसूचक नेप्से दोहोरो अंकले घटेको छ ।

आज नेप्से परिसूचक ११ दशमलव ४९ अंकले घटेर २६८८ दशमलव ३१ विन्दुमा पुगेको छ। सेन्सेटिभ इण्ड‍ेक्स २ दशमलव २५ अंकले घटेर ४५२ दशमलव २१ विन्दुमा पुगेको छ। यसदिन ३०५ स्क्रिप्सको १ करोड ५८ लाख ५५ हजार ६१० कित्ता सेयर ८ अर्ब ३९ करोड ८६ लाख ६० हजार ६२८ रुपैयाँमा खरिदबिक्री भए।

नेप्से परिसूचक दोहोरो अंकले घटे पनि दुई कम्पनीको सेयर सकारात्मक सर्किट लेभलमा कारोबार भयो। सेन्ट्रल फाइनान्स र गार्डियन माइक्रो लाइफ इन्स्योरेन्सको सेयर १० प्रतिशतले घट्यो।

सुपर मादी हाइड्रोपावरको सेयर ९ दशमलव ९१ प्रतिशतले बढ्दा उपकार लघुवित्त वित्तीय संस्थाको ६ दशमलव ०६ र इन्फिनिटी लघुवित्त वित्तीय संस्थाको ६ दशमलव ०२ प्रतिशतले बढ्यो।