माघ २६ गते शनिबारको तपाईँको भाग्यफल…

काठमाडौं । आज मिति २०८१ साल माघ २६ गते शनिबार । तदनुसार २०२५ फेब्रुअरी ८ तारिख ।

नेपाल सम्बत ११४५ । आज सूर्योदय बिहान ६ः४६ बजे हुनेछ भने सूर्यास्त साँझ ५ः५० बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ)
मनमा उत्साह र साहसी प्रवृत्ति देखा पर्नेछ । यात्राबाट लाभ मिल्नुका साथै सञ्चार माध्यमबाट शुभ समाचार प्राप्त हुनेछ । कारोबारमा मन्दी देखिएको छ भने थप मिहिनेत गर्नुहोला । लगनशील बन्नसके विभिन्न अवसर प्राप्त हुनुका साथै दैनिक आम्दानीमा परिवर्तन आउनसक्छ । दाम्पत्य जीवनमा नयाँ आयाम थपिने छ ।

बृष (इ, उ, ए, ओ, बा, बि, बु, बे, बो)
परीक्षा वा प्रतियोगिताका दृष्टिकोणले अनुकूल दिन रहेको छ । कुनै नौलो विषयको जानकारी लिएमा भविष्यमा राम्रो उपलब्धि लिन सकिने छ । धनप्राप्तिको योग रहेको छ । स्थिर प्रयोजनको लगानीका लागि अनुकूल समय दखिन्छ । बहुमूल्य वस्तु र पुराना चिजबीज सङ्कलन गर्न मन लाग्छ ।

मिथुन (का, कि, कु, घ, ङ, छ, के, को, ह)
चिन्ता र शङ्कालाई त्यागेर अब नयाँ ढंगले अघि बढ्ने प्रयास गर्नुहोला । प्रेमी÷प्रेमिका वा पति÷पत्नीका बीचमा ठास्सठुस्स भइरहनेछ । व्यवस्थापकीय कमी कमजोरी हटाउन प्रयास गर्ने दिन रहेको छ । नयाँ कामको थालनी गर्न कामदार र सहयोगीको सुझाव लाभदायी रहनेछ ।

कर्कट (हि, हु, हे, हो, डा, डि, डु, डे, डो)
सानो भुलचुकमा ठूलो नोक्सानी हुनसक्छ, घरको तालासाँचो बलियो बनाउनु होला । अनावश्यक खर्चको योग रहेकाले किनमेल गर्दा पनि सजग रहनुहोला । अवसर प्राप्तिका निमित्त दौडधूप र परिश्रम गर्नुपर्ने समय रहेको छ । आफ्ना भावनालाई नियन्त्रणमा राखी व्यवहार गर्नु समुचित होला, अन्यथा अरुलाई मात्र होइन, आफू स्वयंलाई समेत हानी पुग्नसक्छ ।

सिंह (मा, मि, मु, मे, मो, टा, टि, टु, टे)
पदोन्नति हुने वा विशेष जिम्मेवारी पाउन सकिने योग छ । कामविशेषले कतै टाढा जाने वा देशरविदेशको यात्रामा निस्कने संयोग जुर्नसक्छ । लाभमूलक काममा दौडधूप गर्नुपर्दा आपसी समन्वयमा कमजोरी देखा पर्नेछ । विलासिताका सामग्री र सुखसुविधाका वस्तुहरू खरिद गर्नाले खर्च बढ्न सक्छ ।

कन्या (टो, प, पि, पु, ष, ण, ठ, पे, पो)
व्यवसायिक कामको चाप बढ्नसक्छ अथवा कुनै कामका लागि टाढा जानुपर्ने बाध्यता हुनसक्छ । कारोबारबाट फाइदा हुने अथवा नोकरीमा प्रशंसा पाउने समय रहेको छ । अचानक हातमा धन आइपुग्न सक्छ । व्यवस्थापन पक्ष र सहयोगी कामदारसँगको तालमेल कायम राख्न सफल भइने छ । नयाँ प्रविधिको प्रयोग गरेमा उत्पादनमा बृद्धि हुने देखिन्छ ।

तुला (र, रि, रु, रे, रो, ता, ति, तु, ते)
प्रयास गरेमा राम्रो उपलब्धि हासिल हुने तथा अल्छी गरेमा सुनौलो अवसर गुम्नसक्छ । कार्यक्षेत्रबाट कुनै राम्रो समाचार आउनसक्छ । अभिभावक र बुजुर्ग व्यक्तिको सल्लाह मानेमा लक्ष्यप्राप्तिको मार्गमा सफल भइनेछ । आफ्नो क्षेत्रमा साख र इज्जत कमाउने दिन रहेको छ ।

बृश्चिक (तो, ना, नि, नु, ने, नो, या, यि, यु)
जोखिमपूर्ण काम गर्नु उचित नहोला । जुवातास, लटरी र सट्टापट्टामा धन नाश हुनसक्छ । सहयोगीको अनुपस्थितिले दैनिक कारोबारमा मन्दी छाउने समय छ । पुरानो बाँकी बक्यौता उठाउने प्रयास गर्दा सफल भइनेछ । सुस्वास्थ्य र आरामका लागि समय छुट्याउनु तथा पौष्टिक आहारामा ध्यान दिनु ठीक होला ।

धनु (ये, यो, भ, भि, भु, ध, फा, ढ, भे)
मन भावुक र चञ्चल बन्नसक्छ । पारिवारिक प्रयोजनमा पनि केही समय खर्च हुनसक्छ । आनन्द र मनोरञ्जक गतिविधिमा केन्द्रित भइने छ । आम्दानीका दृष्टिले आजको दिन राम्रै देखिन्छ । कला, साहित्य र अभिनयका क्षेत्रमा रुचि बढ्ने देखिन्छ । बाह्य विषयवस्तुमा भन्दा पनि निर्धारित पाठ्यक्रममा ध्यानकेन्द्रित गर्नु उचित होला ।

मकर (भो, ज, जि, खि, खु, खे, खो, गा, गि)
परिवारमा चलिरहेको कुनै असमझदारी वा भ्रमको निवारण हुनेछ । प्रतिष्पर्धा र सिकाइका आधारमा जीवनको वास्तविक लक्ष्य पहिल्याउन सकिनेछ । विवादास्पद जिम्मेवारीमा फस्नसक्ने योग देखिन्छ, सचेत रहनुहोला । स्वास्थ्यगत कमजोरीले प्रेमि जीवन प्रभावित बन्नसक्छ ।

कुम्भ (गु, गे, गो, सा, सि, सु, से, सो, द)
तीव्र इच्छाशक्ति र आन्तरिक उर्जाको उदय हुनेछ । ज्ञान, आत्मबल र सामथ्र्य प्रदर्शन गरी अरुलाई प्रभावित बनाउन सकिने देखिन्छ । गोपनीयता कायम राखी काम गर्न सके कार्यक्षेत्रमा प्रशंसा बटुल्न सकिने छ । घरपरिवार र छोराछोरीका लागि केही समय छुट्याउनु उचित होला । आफ्ना कुरा थोपर्ने भन्दा जीवनसाथिको कुरा सुन्ने प्रयास गर्नुहोला ।

मीन (दि, दु, थ, झ, ञ, दे, दो, च, चि)
प्राथमिकताका आधारमा काम गर्न नसक्दा पछि परिने समय रहेको छ । महत्वपूर्ण र दिर्घकालीन निर्णय लिँदा अनुभवी वा जानकार व्यक्तिको सल्लाह लिएर अघि बढ्नुहोला । कुनै कुरालाई लिएर दाम्पत्य जीवनमा वैचारिक मतभेद देखा पर्नेछ । जुनसुकै कुरामा धैर्य र सकारात्मक रहनु कल्याणकारी र लाभदायक ठहरिने छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७–९८४२२१९७३५