माघ २५ गते शुक्रबारको तपाईँको राशिफल

काठमाडौं । आज मिति २०८१ साल माघ महिनाको २५ गते शुक्रबार ।

तदनुसार २०२५ फेब्रुअरी ७ तारिख । नेपाल सम्बत ११४५ । आज सूर्योदय बिहान ६ः४६ बजे हुनेछ भने सूर्यास्त साँझ ५ः४९ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ)
परीक्षा, प्रतियोगिता वा प्रतिष्पर्धामा विजय प्राप्त गर्ने दिन रहेको छ । मिहिनेत गर्न सकेमा पठनपाठनका दृष्टिले पनि आज उत्कृष्ट दिन बन्नसक्छ । निणर्य लिन सक्नुपर्छ, नबन्ने काम पनि बन्नेछन । विवाद वा मतभेद छ भने पनि समाधानको बाटो पहिल्याउनु होला । आन्तरिक क्षमताको प्रयोग गरी कुनै विशेष अवसर पाउन सकिनेछ ।

बृष (इ, उ, ए, ओ, बा, बि, बु, बे, बो)
मानसिक शान्तिको आभास हुनेछ । कतै एकान्त ठाउँमा बसेर भावना साटासाट गर्न र रमाउन पाइने छ । केही समय आफ्नो स्वास्थ्य र आरामका लागि छुट्याउनु आवश्यक छ । बिक्रीबट्टामा बढावा हुने र थप हौसला मिल्ने समय रहेको छ । हिसाबकिताबमा देखिएको कमजोरी सच्याएर अघि बढेमा अझ धेरै फाइदा लिन सकिने छ ।

मिथुन (का, कि, कु, घ, ङ, छ, के, को, ह)
खर्चमा बृद्धि हुनाले बजेटको राम्रो व्यवस्था गरेर यात्रा गर्नुहोला । आर्थिक तनावले पतिपत्नीका बीचमा विवाद चुलिन सक्छ । अल्छीपना देखिन्छ, शरीर भारी भएकाले कुनै पनि काम पूरा नहुन सक्छन । एकाग्रतामा कमी हुने भएकाले कुनै एउटा विषयमा मात्र ध्यान केन्द्रित गर्न सकिंदैन ।

कर्कट (हि, हु, हे, हो, डा, डि, डु, डे, डो)
आफ्नो कामले सेवाग्राही र वरिष्ठ कर्मचारीलाई खुशी तुल्याउन सकिने छ । स्थिर प्रयोजनमा धन लगानी गर्न सकिनेछ । पुराना सहकर्मीसँगको भेटघाटले मनलाई ताजा बनाउनेछ । सबै कार्य योजनानुसार सम्पन्न हुँदै जानेछन । आपसी समन्वय र आन्तरिक सुख बढ्ने दिन रहेको छ । जीवनसाथिसँग सानोतिनो यात्राको कार्यक्रम बन्नसक्छ ।

सिंह (मा, मि, मु, मे, मो, टा, टि, टु, टे)
नयाँ समझौता वा करारका माध्यमबाट धन बढाउन सकिने छ । जग्गाजमीन, पेट्रोलियम पदार्थ, प्लास्टिकका वस्तुहरू र सञ्चारका सामाग्रीमा लाभ हुनेछ । काममा धपेडी बढ्नुका साथै अनेकन बाधा उत्पन्न हुनसक्छ । क्षमता र सीपको सही मूल्याङ्कन हुने समय रहेको छ । पेसा, व्यवसाय वा भविष्यका बारेमा चिन्तन गरी पढाइलाई अघि बढाउनु ठीक हुन्छ ।

कन्या (टो, प, पि, पु, ष, ण, ठ, पे, पो)
आफन्त वा छरछिमेकको काममा खट्नुपर्ने समय रहेको छ । प्रशस्त सम्भावना र उपलब्धिहरू भएको राम्रो दिन रहेको छ । सानो प्रयासले राम्रो नतिजाका साथै सम्मान र जस पाउन सकिने छ । हातमा सह भएको दिन छ, नयाँ काममा हात हाल्दै हुनुहुन्छ भने यसले सकारात्मक गति समात्नेछ । सही समय र स्थान छनौट गर्न सके हरेक कदम सफल हुनेछन् ।

तुला (र, रि, रु, रे, रो, ता, ति, तु, ते)
जीवनसाथिको चासो र चिन्तामा मात्रै केन्द्रित हुने समय होइन । केही समय आफ्नो मनको खुसी र स्वास्थ्यका निम्ति छुट्याएको राम्रो होला । आत्मीय मित्र वा प्रेमीप्रेमिकाका बीचमा अविश्वास र भ्रम सिर्जना हुने सङ्केत छ । आफ्नो काम र लक्ष्यप्रति विश्वस्त हुनु ठीक हुन्छ । लेनदेनका क्रममा दबाबमा हुनुहुन्छ भने पनि समझौता नगर्नुहोला । समय बित्दै जाँदा दैनिकीमा सुधार आउने देखिन्छ ।

बृश्चिक (तो, ना, नि, नु, ने, नो, या, यि, यु)
आफ्नो खूबी, क्षमता र आन्तरिक प्रतिभालाई बाहिर निकालेर प्रतिष्ठा कमाउन सकिने छ । नयाँ मित्रता वा सम्बन्धका बारेमा मन उत्सुक रहने छ । आजको दिन कुनैपनि वाचाबन्धन गर्नु राम्रो नहोला । आत्मीय मित्र वा सहकर्मीको साथ पाउनाले चिताएको काममा सफलता मिल्नेछ । नयाँ कामतर्फ अग्रसर भइने छ । आजको केही समय आफन्त वा घरपरिवारका लागि छुट्याउनुपर्ने देखिन्छ ।

धनु (ये, यो, भ, भि, भु, ध, फा, ढ, भे)
सानातिना विवादको बेवास्ता गर्दै अघि बढ्दा ताकेको काम सम्पन्न हुनेछ । शत्रु र प्रतिद्वन्द्वीसँग सतर्क रहनुहोला । रिस र घमण्ड बढ्नाले पनि अप्ठ्यारोमा पर्न सकिन्छ । कार्यालयमा सहयोगी साथीहरू र घरमा परिवारका सदस्यहरूले तपाईंका कुरा नबुझिदिंदा दिक्क लाग्नसक्छ । बेकारको तर्कबितर्कमा दिन बित्ने परिस्थिति बन्नेछ, सतर्क रहनुहोला ।

मकर (भो, ज, जि, खि, खु, खे, खो, गा, गि)
आर्थिक मन्दी र नोक्सानीका बारेमा पुनर्मूल्याङ्कन गरी अघि बढ्ने समय रहेको छ । नयाँ कामको प्रस्ताव आउनसक्छ, बुद्धिको प्रयोग गरेमा लाभसमेत पाइने छ । पारिवारिक वातावरण ठीकै देखिन्छ । छोराछोरीको इच्छा अनुसार खर्च बढ्ने देखिन्छ, बजेटको राम्रो जोहो गर्नुहोला ।

कुम्भ (गु, गे, गो, सा, सि, सु, से, सो, द)
धार्मिक र आध्यात्मिक कामका लागि समय व्यवस्थापन गर्नसके तनावबाट मुक्ति पाउन सकिनेछ । सहकार्य वा साझेदारीको काममा दौडधूप गर्नुपर्ने हुनसक्छ । कारोबारमा ध्यानकेन्द्रित हुनसक्दैन, तर पनि आर्थिक सन्तुलन कायम रहने दिन रहेको छ । आर्थिक कारोबारको कुरा हो भने सकभर पछि हट्नु ठिक होला ।

मीन (दि, दु, थ, झ, ञ, दे, दो, च, चि)
व्यक्तित्व विकास र भविष्य निर्माणको सही समय भएकाले उचित कार्ययोजनाका साथमा अघि बढ्नुहोला । परिक्षा र अन्तर्वार्ताको तयारीमा हुनुहुन्छ भने सफलता मिल्नेछ । काममा सहयोगीको राम्रो साथ पाइने समय रहेको छ । सामूहिक काम वा सामाजिक क्रियाकलापमा संलग्न हुँदा व्यस्तता बढ्नेछ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५