काठमाडौं । साताको दोस्रो कारोबारको दिन सोमबार सेयर बजार परिसूचक (नेप्से) सामान्य अंकले बढेको छ ।
आज नेप्से परिसूचक २ दशमलव ४१ अंकले बढेर २ हजार ७ सय ३० बिन्दुमा पुगेको छ । सोमबार ३ सय १९ कम्पनीका १ लाख ११ हजार ९ सय १८ पटकको कारोबारमा २ करोड ३७ लाख ७० हजार ३ सय ४८ कित्ता सेयर खरिद बिक्री भएको छ । जसमा कारोबार रकम ११ अर्ब ८७ करोड ५९ लाख ६७ हजार रुपैयाँ रहेको छ ।
९७ कम्पनीको सेयर मूल्य बढ्दा १ सय ३७ कम्पनीको घटेको छ भने ८ कम्पनीको मूल्य स्थिर रहेको छ । १३ उपसमूहमध्ये ६ वटा घट्दा बाँकीमा हरियाली छाएको छ । ८ कम्पनीको मूल्य स्थिर रहेको नेप्सेको तथ्यांक छ । अधिकांश कम्पनीको मूल्य घट्दा पनि परिसूचक बढेको यो अनौठो संयोग हो ।
धेरै बजारहिस्सा भएका मूल्यको मात्रै सेयर मूल्य बढ्दा सामान्यतया यो अवस्था देखिन्छ ।
प्रतिक्रिया