काठमाडौं । नेपाली यू १९ महिला टोलीकी कप्तान पूजा महतो यू १९ विश्वकपको ‘टीम अफ द टुर्नामेन्ट’मा परेकी छन् ।
अन्तर्राष्ट्रिय क्रिकेट काउन्सिल (आईसीसी) ले मलेसियामा आइतबार सकिएको यू १९ महिला विश्वकपमा सहभागी उत्कृष्ट १२ खेलाडीको सूची सार्वजनि गरेको थियो । आईसीसीले जारी गरेको उक्त सूचिमा नेपालकी पूजा महतो अटाएकी हुन् । टोलीमा पर्ने एसोसिएट राष्ट्रको खेलाडीमा पूजा एक्ली हुन् ।
उनले विश्व कप ५ खेलमा २३ दशमलव ३३ को औसतमा ७० रन बनाएकी थिइन् । पूजाको नाममा ९ विकेट समेत रहेको छ । टिम अफ द टुर्नामेन्टमा भारतका ४, दक्षिण अफ्रिकाका ३, इङ्ग्ल्याण्डका २ तथा नेपाल, श्रीलंका र अस्ट्रेलियाका समान १ खेलाडी रहेका छन् ।
प्रतिक्रिया