काठमाडौं । नेपाल आयल निगमले आज राति १२ बजेबाट लागु हुनेगरि पेट्रोलियम पदार्थको मूल्य बढाएको छ ।
आयल निगमका अनुसार पेट्रोलमा प्रतिलिटर २ रुपैयाँ, डिजेल र मट्टितेलमा ४ रुपैयाँ बढाइएको छ । त्यस्तै, हवाई इन्धन आन्तरिकतर्फ प्रतिलिटर ६ र अन्तर्राष्ट्रियतर्फ काठमाडौंका लागि प्रतिलिटर ४३ डलरका दरले बढाइएको छ भने पोखरा र भैरहवाका लागि ब्रेक इभन पोइन्टमा बिक्री मूल्य कायम गरिएको निगमले जनाएको छ ।
बढेको मूल्य अनुसार पेट्रोल पहिलो वर्गमा १६४ दशमलव ५०, दोस्रोमा १६६ र तेस्रोमा १६७ रुपैयाँ प्रतिलिटर भएको छ । त्यस्तै, डिजेल र मट्टितेलको मूल्य पहिलो वर्गमा १५७ दशमलव ५०, दोस्रोमा १५९ र तेस्रोमा १६० रुपैयाँ भएको छ ।
प्रतिक्रिया