माघ १४ गते सोमबारको तपाईँको राशिफल

काठमाडौं । आज मिति २०८१ साल माघ महिनाको १४ गते सोमबार ।

तदनुसार २०२५ जनवरी २७, नेपाल सम्बत ११४५ । आज सूर्योदय बिहान ६ः५२ बजे हुनेछ भने सूर्यास्त साँझ ५ः४० बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
लक्ष्यमा पुग्न सफल भइने छ । नयाँ कार्यको थालनी हुने वा सानो प्रयत्नले ठूलो सफलता मिल्नसक्ने देखिन्छ । फूर्तिका साथ जिम्मेवारी र दायित्व पूरा गर्ने दिन रहेको छ । सहयोगी र मिलनसार स्वभावको विकास हुनेछ । ज्ञान बढ्ने तथा दार्शनिक भावना जाग्ने देखिन्छ ।

बृष (इ, उ, ए, ओ, बा, बि, बु, बे, बो) –
बढ्दो ऋणभार र खर्चबृद्धिले तनाव बढ्नेछ । सकेसम्म आफ्नो स्वास्थ्यका लागि समय व्यवस्थापन गर्नु उपयुक्त होला । विपरित परिस्थितिलाई जितेर अघि बढ्ने प्रयास गर्नुहोला । असहजताका बीचमा कामको चाप बढ्नेछ । स्वभावगत कमजोरी वा उदार मनोवृत्तिको प्रयोग गरी अरुले नाजायज फाइदा उठाउन सक्छन् । मनमा कुनै नविन कार्य गर्ने भावना जागृत हुनेछ ।

मिथुन (का, कि, कु, घ, ङ, छ, के, को, ह) –
दाम्पत्य जीवन सुखमय रहनेछ । मिलनसार स्वभावको विकास हुनुका साथै उच्च पदस्थ व्यक्तिहरुसँग सम्बन्ध विस्तार हुनेछ । प्रविधिको प्रयोग गरेर अतिरिक्त लाभ लिन सकिनेछ । ढुवानी र आयातनिर्यातको काममा संयमता अपनाउनु ठिक होला ।

कर्कट (हि, हु, हे, हो, डा, डि, डु, डे, डो) –
विवाद, प्रतियोगिता वा प्रतिष्पर्धामा सरिक हुँदा चुनौतीको सामना गर्नुपर्ने देखिन्छ । यद्यपी, योजनाबद्ध तयारी गरे विजय तपाईँको पोल्टामा हुनेछ । लोकप्रियता बढ्ने तथा साझेदारी व्यवसायमा लाभ पाउने योग रहेको छ । भविष्यको चिन्ताले सताउन सक्छ । कुनै विशेष काम गर्दै हुनुहुन्छ भने तौरतरिका र योजनालाई गोप्य राख्ने प्रयास गर्नुहोला ।

सिंह (मा, मि, मु, मे, मो, टा, टि, टु, टे) –
व्यक्तिगत जिम्मेवारी र हार्दिकताका बीचमा सन्तुलन राख्ने प्रयास गर्नुहोला । पारिवारिक जीवन सुखद रहनेछ । बहुप्रतिक्षित अभिलाषा पूरा हुनेछ । सामाजिक क्षेत्रमा सुमधुर सम्बन्ध कायम हुनुका साथै पुस्तक, शिक्षाक्षेत्र, छापाखाना र कन्सल्टेन्सी जस्ता व्यवसायबाट लाभ लिन सकिने योग छ ।

कन्या (टो, प, पि, पु, ष, ण, ठ, पे, पो) –
पदप्रतिष्ठामा अभिबृद्धि हुने तथा आम्दानीका मार्गहरु सहज हुने देखिन्छ । परिवारका सदस्यसँग भावना साटासाट गर्न पाउँदा शान्तिको अनुभूति हुनेछ । अचल सम्पत्ति, शेयर कारोबार, घरेलु प्रयोजनका वा भोगविलासका सामाग्रीको व्यवसायबाट फाइदा मिल्नेछ । शारीरिक अस्वस्थताले केही समय सताउन सक्छ, ख्याल गर्नुहोला ।

तुला (र, रि, रु, रे, रो, ता, ति, तु, ते) –
सामाजिक क्षेत्रको काम वा सार्वजनिक हितको बिषयमा सक्रिय हुने मानसिकता बन्नेछ । जीवनका विभिन्न आयाममा सन्तुलन राख्ने प्रयास गर्नुहोला । आन्तरिक समस्याका कारण वा फाँटको कामविशेषले सहकर्मीसँग विचार विमर्श हुने देखिन्छ । कुनै कार्यक्रममा सहभागी हुन पाउनुका साथै रमाइलोमै आजको दिन वित्नेछ ।

बृश्चिक (तो, ना, नि, नु, ने, नो, या, यि, यु) –
सञ्चार, विज्ञापन वा मार्केटिङ तपाईँको व्यवसाय बढाउने उत्तम तरिका बन्नसक्छ । अरुले दिएको नकारात्मक प्रतिक्रियालाई व्यवास्ता गर्दै आफ्नो कर्ममा ध्यान दिन उपयुक्त होला । घरपरिवारको सदस्यहरुसँग सुमधुर सम्बन्ध कायम हुनेछ । अभिव्यक्ति, कला र मनोरञ्जनसम्बद्ध विषयमा रुचि जाग्नेछ । स्पष्टसँग मानसिक धारणा व्यक्त गरेमा आफ्नो सही पहिचान कायम गर्न सकिने छ ।

धनु (ये, यो, भ, भि, भु, ध, फा, ढ, भे) –
जीवनसाथि र परिवारका सदस्यहरुको पूर्ण सहयोग रहने छ । तपाईँको हठ र जिद्दि गर्ने बानी छ भने समस्या निम्तिन सक्छ । नयाँ कुरा जान्ने उत्सुकता बढ्नेछ । आलस्य नगरी लक्ष्यप्रति उन्मुख भएका उच्च सफलता हासिल गर्न सकिने छ । मनमा उत्साह र शरीरमा स्फूर्तिको उदय हुनेछ । शत्रुसँग आफैँ तर्किएर हिंड्नु उचित होला ।

मकर (भो, ज, जि, खि, खु, खे, खो, गा, गि) –
काममा त्रुटि वा कमजोरी हुनसक्छ, होसियार भएर गर्नुहोला । आफूले नगरेको कामको अवगालसमेत खेप्नुपर्ने परिस्थिति देखिन्छ । प्रेम सम्बन्ध विश्वासको जगमा मात्र बलियो हुनेछ । कार्यक्षेत्रमा बोझ बढ्ने र धेरै मिहेनत गर्नुपर्ने दिन रहेको छ । आर्थिक दृष्टिले कमजोर दिन रहेकाले अनावश्यक खर्चमा नियन्त्रण गर्नु उचित होला ।

कुम्भ (गु, गे, गो, सा, सि, सु, से, सो, द) –
विगतमा गरेको मिहेनत र लगनशीलताको पुरस्कार प्राप्त हुनेछ । बोनस वा अतिरिक्त आम्दानीको सम्भावना समेत रहेको छ । आन्तरिक सम्बन्ध सुदृढ हुने तथा एकआपसमा राम्रो समझदारी कायम हुने देखिन्छ । उच्च कोटीको पारिवारिक सुख मिल्नेछ । आजको केही समय घरपरिवार र आफन्तका लागि छुट्याउनु उचित होला ।

मीन (दि, दु, थ, झ, ञ, दे, दो, च, चि) –
थप जिम्मेवारी र दायित्व बढ्ने समय रहेको छ । घरपरिवार वा आफन्तको काममा अलि बढी खट्नुपर्ने हुनसक्छ । भविष्य र व्यवसायप्रतिको चासो बढ्नेछ । व्यक्तिगत प्रतिष्ठा र वर्चस्व स्थापना गर्न सकिनेछ । राजनीति वा समाजसेवा नै तपाईँको कार्यक्षेत्र हो भने पदप्रतिष्ठा र मानसम्मान मिल्ने देखिन्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५