माघ १२ गते शनिबारको तपाईँको राशिफल

काठमाडौं । आज मिति २०८१ साल माघ महिनाको १२ गते शनिबार ।

तदनुसार २०२५ जनवरी २५, नेपाल सम्बत ११४५ । आज सूर्योदय बिहान ६ः५३ बजे हुनेछ भने सूर्यास्त साँझ ५ः३९ मा हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
गोप्य रुपमा गरिएको कामबाट धनार्जन गर्ने समय रहेको छ । अनुसन्धान, गुप्तचर, कुटनीति आदि क्षेत्रमा रहेकाले राम्रो उन्नति गर्नसक्ने देखिन्छ । स्वास्थ्यका लागि केही समय आराम गर्नु ठिक होला । खनिज पदार्थ र पुरातात्तिवक चिजबिजको व्यवसायबाट राम्रो फाइदा लिन सकिन्छ । भावना र इच्छाहरुको कदर हुँदैन र मन अशान्त बन्नसक्छ ।

बृष (इ, उ, ए, ओ, बा, बि, बु, बे, बो) –
मनोरञ्जनमा अलमलिएर सजिलै दिन बित्ने परिस्थिति रहेको छ । उज्ज्वल भविष्य र राम्रो नतिजाका लागि अझ धेरै मिहेनत गर्नु उचित होला । सबैको सहयोग प्राप्त हुनाले कामबाट छिट्टै फुर्सद मिल्नेछ । प्रियजनसँगको भेटघाटले वातावरण रमाइलो बन्ने देखिन्छ । मन हलुका र शरीर तन्दुरुस्त देखिन्छ ।

मिथुन (का, कि, कु, घ, ङ, छ, के, को, ह) –
कुनै पुराना साथिसँग भेटघाटको अवसर मिल्नसक्छ । मानसिक उल्झन र चिन्ता बढ्ने देखिन्छ । बेकारका कुराकानी र ख्यालठट्टामा कन्ट्रोल गर्नु उचित होला । शत्रु र विरोधिहरुसँग डटेर प्रतिष्पर्धा गर्ने समय रहेको छ । लेखन÷सम्पादन, पत्रकारिता,, वकालत, कृषिकार्य र व्यापार गर्नेका लागि आजको दिन राम्रो रहेको छ ।

कर्कट (हि, हु, हे, हो, डा, डि, डु, डे, डो) –
पारिवारिक वातावरण सुखमय रहनुका साथै पतिपत्नीका बीचमा राम्रो समझदारी कायम हुनेछ । पढाइप्रति दिलजस्पी जाग्नेछ । विज्ञानप्रविधिको क्षेत्र वा अनुसन्धान गर्ने छात्रछात्राहरूले राम्रो नतिजा पाउनसक्छन् । बौद्धिक क्षेत्र, चिन्तनमनन र दार्शनिक विषयमा सक्रियता बढ्ने देखिन्छ ।

सिंह (मा, मि, मु, मे, मो, टा, टि, टु, टे) –
कामको चापबाट फुर्सद निकालेर केही समय घरपरिवार र सन्तानका लागि छुट्याउनु राम्रो होला । अपेक्षित माया, विश्वास एवं समझदारी कायम रहनेछ । हाकिम वा आफूभन्दा माथिल्लो माथिल्लो तहको कर्मचारीसँग सुमधुर सम्बन्ध कायम हुने देखिन्छ । आज गरिएको सानो प्रयासले उच्च स्तरमा पहुँच र स्थान पक्का गर्न सकिनेछ ।

कन्या (टो, प, पि, पु, ष, ण, ठ, पे, पो) –
इष्टमित्र र सँगीसाथीको साथ पाइने छ । परोपकारी र साहसी काम गर्ने सोच पलाउनेछ । कामप्रतिको समर्पण भावका माध्यमबाट ठूलो लाभ मिल्ने समय रहेको छ । बोली र व्यवहारको बलमा सेवाग्राहीलाई आकर्षित तुल्याउन सकिने छ । प्रेमि वा जीवनसाथिको सुखदुःख एवं चाहना बुझि कार्य गर्ने प्रयास गर्नु उचित होला ।

तुला (र, रि, रु, रे, रो, ता, ति, तु, ते) –
मौखिक अभिव्यक्ति वा कलाको क्षेत्रमा अझ सफल भइने छ । सानो प्रयासले भाग्य र भविष्य सपार्न सकिन्छ । सञ्चार वा नेटवर्किङका विभिन्न माध्यमले अल्मल्याउन सक्छन् । पराईसँग व्यवहार गर्दा शब्दहरूको चयन र प्रस्तुतिमा विशेष ध्यान दिनुहोला । कार्यक्षेत्रमा परिवर्तन गर्ने वा नयाँ ठाउँमा सरुवा हुने धारणा पलाउनेछ । थप आयश्रोत बढाउने विषयका साथै आयका मार्ग सुचारु गर्न चिन्तन गर्न सक्नुहुन्छ ।

बृश्चिक (तो, ना, नि, नु, ने, नो, या, यि, यु) –
बुद्धिकौशल र कुटनैतिक ज्ञानको प्रयोग गर्नाले कुनै महत्वपूर्ण कार्य सम्पन्न हुनेछ । कुनै प्रशासनिक वा व्यवस्थापकीय कार्यका लागि अनुकूल समय छ । तामा र रातो चिजबीजका बस्तुबाट फाइदा मिल्नेछ । दैनिक जीवन सहजताका साथमा बिते पनि कुनै कारणवश पतिपत्नीमा विचार नमिल्न सक्छ ।

धनु (ये, यो, भ, भि, भु, ध, फा, ढ, भे) –
हिसाबकिताब र लेनदेनमा सतर्कता अपनाउनु होला । नयाँ लगानी गर्ने सोच बनाउनुभएको छ भने सोच बिचार पुर्याएर कदम चाल्नुहोला । धनमालको सुरक्षाका लागि सतर्कता अपनाउनु उचित होला । पठनपाठनमा बाधा र अवरोध हुने देखिन्छ । मनमा दिकदारी र चिन्ता बढ्न सक्छ ।

मकर (भो, ज, जि, खि, खु, खे, खो, गा, गि) –
अड्डा–अदालतमा अड्किएको कुनै काम गर्न अनुकूल समय रहेको छ । कुनै बाँकीबक्यौता रकमको कारोबार मिलाउनु छ भने आजको प्रयास फलदायी हुनेछ । परिस्थितिवश जिम्मेबारीबाहिरको काममा अलमलिनु पर्ने हुनसक्छ । एकअर्काको भावना बुझेर चल्नुपर्ने दिन रहेको छ ।

कुम्भ (गु, गे, गो, सा, सि, सु, से, सो, द) –
वंश, कुल र पितृपक्षका विषयमा आकर्षण देखिने छ । तपाईँको काम देखेर कार्यक्षेत्रमा पनि वरिष्ठ कर्मचारी प्रसन्न रहनेछन् । काममा सक्दो खट्नुपर्ने दिन रहेको छ । मिहेनत गरेअनुसार राम्रो प्रतिफल पनि हात लाग्नेछ । भेटघाटको समयमा व्यक्तिगत उन्नति÷प्रगति वा पदप्रतिष्ठाको चर्चा नगर्नु होला, अन्यथा सम्बन्धमा खाडल सिर्जना हुने तथा तनाव बढ्ने समय हो ।

मीन (दि, दु, थ, झ, ञ, दे, दो, च, चि) –
साझेदारीको कामबाट फाइदा हुनेछ । धार्मिक र आध्यात्मिक चेतना बढ्ने देखिन्छ । इमानजमानको ख्याल राख्नु तथा नियमकानूनको पालना गर्नु उचित होला । सार्वजनिक हित वा परोपकारी काममा खट्नुपर्ने हुनसक्छ । मानसिक रूपमा सबल र परिपक्व बन्ने समय रहेको छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५