आजको मौसमः बढ्न थाल्यो काठमाडौंको तापक्रम, यी तीन प्रदेशमा हिमपातको सम्भावना

काठमाडौं । हाल देशको पश्चिमी भूभागमा पश्चिमी न्यून चापीय प्रणालीको प्रभाव रहेको छ ।

गण्डकी प्रदेश, कर्णाली प्रदेश र सुदूरपश्चिम प्रदेशको पहाडी भूभागमा आंशिक बदली तथा बाँकी भूभागमा मौसम मुख्यतया सफा रहेको छ । साथै तराइका धेरै भूभागहरूमा हुस्सु र कुहिरो लागेको छ।मौसम पूर्वानुमान महाशाखाका अनुसार सुदूरपश्चिमका पहाडी भूभागका एक वा दुई स्थानमा हल्का वर्षाको पनि सम्भावना रहेको छ ।

कर्णाली प्रदेश र सुदूरपश्चिमका उच्च पहाडी तथा हिमाली भूभागका थोरै स्थानहरू र गण्डकीको एक वा दुई स्थानमा हल्का हिमपातको सम्भावना रहेको छ । कोशी प्रदेशमा पनि आज रातिसम्म उच्च पहाडी र हिमाली क्षेत्रमा मौसम आंशिक बदली भइ हल्का हिमपातको सम्भावना रहेको महाशाखाले जनाएको छ ।

काठमाडौं उपत्यकालगायत देशका धेरै स्थानमा केही दिनयता तापक्रम बढ्न थालेको छ ।