काठमाडौं । जारी प्रधानमन्त्री कप महिला क्रिकेटमा बागमती प्रदेश सुपर ४ मा प्रवेश गरेको छ ।
मंगलबार समूह बी को खेलमा मधेश प्रदेशलाई ७ विकेटले हराउँदै बागमतीले कोशी प्रदेशलाई नेट रनरेटमा उछिन्दै सुपर ४ मा आफ्नो स्थान पक्का गरेको हो । मधेशले दिएको ४१ रनको लक्ष्य बागमतीले ६ दशमलव ४ ओभरमा पूरा गर्यो । यशु पाण्डेले १९ रन बनाइन् भने कप्तान कञ्चन श्रेष्ठले ९ रन बनाउँदा विपिशा शाही विजयी चौकासहित ८ रनमा अविजित रहिन् ।
बागमतीले ८ दशमलव २ ओभरभित्र लक्ष्य पूरा गरेमा दोस्रो स्थानको कोशी प्रदेशलाई उछिन्ने समीकरण थियो । सोही अनुरूप बागमतीले खेल जित्यो । मधेशका लागि रोजी कडारीले २ विकेट लिइन् ।
त्यसअघि टस हारेर पहिले ब्याटिङ गरेको मधेशले १५ दशमलव ५ ओभरमा अलआउट हुँदै ४० रन बनाएको थियो ।
प्रतिक्रिया